ᤀᤡᤗᤠᤶ: ᤀᤣᤐᤡᤀᤣᤑ ᤏᤡᤛᤡᤃ᤺ᤧᤰᤐᤠ ᤁᤖᤣᤴᤋ ᤀᤴᤋᤖᤠᤛ᤻ᤋᤪᤡᤕ ᤀᤠᤔᤴᤋᤪᤡᤋ᤻ ᤔᤜᤡᤗᤠ ᤃᤥᤸᤍᤁᤐ ᤀᤡᤗᤠᤶ ᥈᥆᥎᥇ ᤖᤣᤴ ᤆᤠᤩᤔᤐᤡᤕᤴ ᤐᤥᤂᤣ ॥ ᤀᤡᤗᤠᤶᤒᤠ᤺ ᤕᤶᤒᤠ ᤋᤢᤍᤡᤂᤣᤗ ᤀᤥ ᤛᤣᤴᤇᤪᤣᤱᤒᤠ ᤕᤣᤴ ᤁᤣᤒᤥᤱᤒᤠ ᤏᤠᤴᤓᤥ ᤀᤥ ᤏᤣᤐᤠᤸ ᤀᤠᤷᤔᤡᤴ ᥈-᥇ ᤃᤥᤗ ᤖᤧ ᤏᤠᤴᤍᤢᤖ ᤆᤠᤩᤔᤐᤡᤕᤴ ᤐᤥᤂᤣ ᤀᤠᤱ ᤘᤠ ॥ ᤆᤠᤩᤔᤐᤡᤕᤴ ᤁᤣᤒᤥᤱᤒᤠ ᤀᤣᤐᤡᤀᤣᤑᤖᤣ ᥊ ᤗᤠ᤺ᤅᤣᤴ ᤕᤠ᤺ᤱ ᤋᤪᤑᤡ ᤔᤣᤍᤸ ᤏᤢ ᤜᤣᤴᤈᤡᤛᤰ ᤂᤥᤛᤢ ॥ ᤏᤣᤐᤠᤸ ᤀᤠᤷᤔᤡᤸᤗᤣ ᥈ ᤗᤠ᤺ᤅᤣᤴ ᤕᤠ᤺ᤱ ᤋᤪᤑᤡ ᤔᤣᤍᤸ ᤏᤢ ᤜᤣᤴᤈᤡᤛᤰ ᤂᤥᤛᤢ ॥ ᤜᤰᤆᤠ᤺ᤳ ᤌᤢᤶᤄᤥ ᤖᤣ ᤗᤠ᤺ᤃᤡ ᤛᤒᤡᤋᤠ ᤖᤠᤏᤠ ᤏᤢ ᤃᤡᤋᤠ ᤖᤠᤏᤠ ᤔᤃᤖᤣ ᤃᤥᤗ ᤕᤠᤰᤋᤣᤛᤢ ॥ ᤏᤣᤳ ᤆᤰᤗᤠ ᤕᤣᤶᤒᤠ ᤜᤰᤆᤠ᤺ᤋ᤻ ᤀᤥ ᤏᤣᤐᤠᤸ ᤀᤠᤷᤔᤡᤒᤠ ᤑᤷᤘᤠᤷᤍ ᤒᤡᤔᤗᤠ ᤆᤦᤎᤖᤡᤖᤣ ᤗᤳᤌᤡᤰ ᤃᤥᤗ ᤏᤢᤰᤋᤢ ᤀᤠᤱ ᤘᤕᤧ ॥ ...