150 पटक हेरिएको 
इलाम: माइ नगरपालिकाले नवनिर्मित प्रशासनिक भवनकाे बुधबार आज उद्घाटन गरेको छ । निवनिर्मित भवन नगर प्रमुख दिपककुमार थेबेले पुजापाठ गरि उद्घाटन गरे ।
भवन उद्घाटनसँग नगरपालिकाकाे प्रशानसकाे काम नयाँ भवनबाट शुरु भएकाे छ ।
एक करोड ५० लाख रुपैयाको लागतमा तीन तले भवन नगरपालिकाले निर्माण गरेकाे हो । ६१ लाख रुपैयाँको लागतमा चौथो तलामा सभा हल, पालिका घेराबारा र ईन्टरलक निर्माण सम्पन्न भएको लेखा अधिकृत क्षेत्रनाथ शर्माले जानकारी दिए ।
पण्डित टेकनाथ भट्टराईद्वारा स्बस्तिक बाचन सहित पाठ पुजा गरी गरिएको उद्घाटन कार्यक्रममा उपमेयर बिष्णुमाया आचार्य, वडाध्यक्ष मुखराज आङ्देम्बे, राम प्रसाद सदेम्वा, कार्यपालिका सदस्यहरु, कर्मचारीहर , संघ संस्थाका प्रतिनिधिको उपस्थीति थियो ।
