419 पटक हेरिएको 
चुलाचुली: प्रथम चुलाचुली साकेला गोल्ड कप २०७८ को मंगलबार भएको खेलमा दमक फुटबल एकाडेमी विजयी भएको छ ।
खेलको निर्धारित समयमा दुवै टिमबाट समान २ गोल भएपछि खेल ट्राइ ब्रेकरमा धकेलिएको थियो । ट्राईबेकरमा दमकका खेलाडीहरूले सर्वाधिक ४ गोल सहित नतिजा आफ्नो पक्षमा पार्न सफल भएको हो ।
खेलमा दमक फुटबल क्लव झापाका जर्सी नं. १६ का ओम प्रकाश तामाङ म्यान अफ दि म्याच घोषित भएका थिए।
आजको खेल सम्पन्न भएसँगै पहिलो चरणको खेलहरू सकिएको छ ।
पुस १ गतबाट सेमिफाइनलको खेल हुनेछ । सेमिफाइनलमा आयोजक यायोक्खा टिम विरुद्द चत्य सा फुटबल क्लव, झापा र पुस २ गते उर्लाबारी फुटबल क्लवका विरुद्द दमक फुटबल एकाडेमी विच सेमिफाइनल चरणको खेल हुने आयोजकले जानकारी दिएका छन् ।
किरात समुदायको महान पर्व उधौली तथा चासोक तङ्नामको अवसरमा आयोजना गरिएको हो ।
