दश दिने आधारभूूत मेलमिलाप सम्बन्धि प्रशिक्षक उत्पादन तालिम शुुरू


सेवारो खबर  247 पटक हेरिएको

इलामः मानव अधिकार मञ्च नेपाल इलामको आयोजनामा आधारभूत मेलमिलाप सम्बन्धि दश दिने मोड्यूलर प्रशिक्षक उत्पादन तालिम होटल पोखरेलीमा शुुरू भएको छ ।

सिभिल पिस सर्भिस (जेडएफडी) जिआइजेड जर्मनको सहयोगमा मञ्चको साझेदार संस्थाको क्षमता विकाससँगै सहजिकरण गर्ने प्रशिक्षक उत्पादन गर्न तालिम सञ्चालन गरेको जनाइएको छ ।

सहकर्मी संस्थालाई सबल, क्षमतावान बनाउँदै दीगो व्यवस्थापन तथा सञ्चालन गर्न सहयोग मिलोस भन्ने उद्देश्यले तालिम सञ्चालन गरेको मानव अधिकार मञ्च नेपालका अध्यक्ष मोहनसिंह थेबेले जानकारी गराए ।

तालिममा आठ दिनसम्म सर्बोच्च अदालत मेलमिलाप परिषदले स्वीकृत गरेको पाठ्यक्रममा आधारित विवाद व्यवस्थापन, स्थानीयत तहको न्यायिक समितिको क्षेत्राधिकार, मेलमिलापकर्ताको सीप, काम, कर्तव्य र अधिकारको बारेमा जानकारी गराइने छ । बाँकी दुुई दिन प्रशिक्षक हुनका लागि आवश्यक पर्ने थप सीपहरूको बारेमा जानकारी गराइने मञ्चका स्थानीय शान्ति सहजकर्ता पारस राईले जानकारी गराए ।

तालिममा मानव अधिकार मञ्च नेपाल इलाम, विकास र सचेतनाका लागि सामाजिक संस्था (सोडा) भोजपुर देउराली सोसाइटी तेह्रथुम, सामुदायिक विकास मञ्च धनकुटा, समाज स्पर्श समिति संखुवासभा र वातावरण विकास संरक्षण मञ्च (इसिडिएफ) ताप्लेजङ संस्थाका २० बढि स्थानीय सहजकर्ताको सहभागीता रहेको छ ।

तपाईको प्रतिक्रिया

सम्बन्धित समाचार