134 पटक हेरिएको 
इलामः इलाम जिल्लाकोे आन्तरिक सडकको यात्रु भाडा दर बिहिबार सार्वजनिक भएको छ ।
जिल्ला प्रशासन कार्यालय इलामले जिल्ला भित्रका १ सय २२ सडकमा जीप यात्रु भाडा दर फेसबुक पेजमा सार्वजनिक गरेको छ ।
गएको जेड ८ गते प्रमुख जिल्ला अधिकारी श्रवणकुमार पोख्रेलको संयोजकत्वमा बसेको जिल्ला यतायात ब्यवस्थापन समितिले इलामदेखि ताप्लेजुङ, पाँचथर, र झापासम्मको यतायात ब्यवसायी, यतायात मजदुरसँगै सरोकारवाला निकायको व्यापक उपस्थितिमा नयाँ यात्रु भाडा दर निर्धारण गरेको थियो ।
यस अघि इलामदेखि ताप्लेजुङ, पाँचथर र झापाको यात्रु भाडा दर मात्र सार्वजनिक गरेको थियो ।
यसका साथै सार्वजनिक यातायातका साधनले अनिवार्य रूपमा यात्रु टिकटको व्यवस्था गरी कार्यान्वयन गर्ने । सवारी साधनमा प्राथमिक उपधारको साधन राख्नु पर्ने । क्षमता भन्दा बढी यात्रु सवार नगराउने । ट्राफिक चेक सडकको फराकिलो स्थानमा गर्नु पर्ने । यात्रुलाई गन्तव्य स्थानसम्म अनिवार्य रूपमा पुर्याउनु पर्ने । सवारी चालक तथा सहचालकले यात्रुलाई मर्यादित व्यवहार गर्नुपर्ने लगायतको छ बुँदाको सहमती समेत कार्यान्वयन गर्नुपर्ने सूचनमा उल्लेख छ ।
यस्तै, जिल्ला प्रहरी कार्यालयले फेसबुक पेजमा सूचना जारी गर्दै तोकिएको भाडा भन्दा बढी शुल्क लिए प्रहरीलाई सम्पर्क गर्न अनुरोध गरेको छ ।
यात्रामा भाडा शुुल्क बढि मागेमा जोरकलस किटेनी र गोलाखर्क भञ्ज्याङ चेक पोष्टमा जानकारी गराउँन भनेको छ । यसका साथै जिल्ला प्रहरी कार्यालयको कन्ट्रोल सम्पर्क नम्बर ९८५२६८०७१० पुलिस सञ्चारको सम्पर्क नम्बर ९८५२६९००३० र ट्राफिक कार्यालय इलामको सम्पर्क नम्बर ९८५२८३२२४८ मा सम्पर्क गर्न अनुरोध गरेको छ ।
१२२ सडकको यात्रु भाडादर पीडिएफ फाइल:122 इलामका सडकको भाडादर
