425 पटक हेरिएको 
माइमझुवाः इलामको सन्दकपुर गाउँपालिका वडा नम्बर २ माइमझुवाका स्थानीयलाई बुधबार स्टेचर वितरण गरिएको छ ।
अपाङ्गता रोकथाम तथा पुनःस्थापना कार्यक्रम अन्तर्गत महिला स्वाथ्य स्वयंसेविका मार्फत १८ थान स्टेचर वितरण गरिएको वडा अध्यक्ष सनम राईले जानकारी गराए ।
गाउँपालिकाको कार्यक्रम अन्तर्गत अपाङ्गता भएका तथा बिरामीलाई सडकमा आउँने गाडिसम्म पुर्याउँन सहज होस भन्ने उद्देश्यले स्टेचर वितरण गरिएको हो ।
स्टेचर वितरण कार्यक्रमले माइमझुवाको तीन टोल विकास समितिमा बाँडिएको २२ वटा बस्तीका बिरामी, अपाङ्गता भएका व्यक्ति, सुत्केरी लगायतलाई सहज हुँने वडा अध्यक्ष राईले बताए ।
स्टेचर बस्तीको आमा समूहले पायक पार्ने ठाउँमा राखेर उपयोग गर्न स्वयंसेविकाले सहजिकरण गर्ने गाउँपालिकाका स्वाथ्य शाखा प्रमुख मनोजकुमार यादवले जानकारी गराए ।
उनका अनुसार गाउँपालिकाको कार्यक्रम अन्तर्गत यो वर्ष दुई लाख ११ हजार बराबरकोे स्टेचर तीन वटा वडामा वितरण गर्ने योजना अनुसार स्टेचर वितरण गरिएको हो ।
‘यो वर्षमा वडा नम्बर २, ४ र ५ लाई स्टेचर दिइने छ । स्वाथ्य शाखा प्रमुख यादवले भने-कार्यक्रम अनुसार अर्को वर्षमा वडा नम्बर १ र ३ वितरण गर्दै सबै वडामा स्टेचर सुविधा पुर्याइने छ ।’
कार्यक्रममा गाउँपालिका अध्यक्ष तुलाराम गुरूङको प्रमुख आतिथ्यमा सम्पन्न भएको जनाइएको छ ।
