77 पटक हेरिएको 
इलामः माइजोगमाई गाउँपालिकाले गरेको बजार अनुगमनका क्रममा विभिन्न पसलबाट म्याद गुज्रिएको अखाध्य वस्तु बरामद गरी नष्ट गरेको छ ।
गाउँपालिकाले मुचुल्का खडा गरी गाउँपालिकाको रोहवर स्थानीय प्रहरी चौकीको उपस्थितीमा बुधबार नष्ट गरेको जनाइएको छ ।
चाडपर्व लक्षित बजार क्षेत्रको अनुगमन गर्दा सोडा १४ प्याकेट, सुदर्सन २ प्याकेट, थुक्पा ४, सुजि ४, टप विस्कुट २, नागिन खजना ४, नुर्डस भुजा २, तितिरी ५, बेसन ४, कुकुरे २, सुगर फ्रि ३ प्याटेक नष्ट गरेको छ । यस्तै बुटर २, क्वाटर ४, गुडलाइटको सुगर फ्रि ३, विस्कुट ११, पार्लजी विस्कुुट, दाममोट र बदाम जुस १-१ प्याकेट, पापर ५, चिजबल ३ प्याकेट नष्ट गरिएको छ । अनुगमनकै क्रममा फेला परेको स्प्राइट, ४ बोतल बरामद गरी नष्ट गरिएको गाउँपालिकाले जनाएको छ ।
अनुगमन समितिको संयोजक श्री प्रविना राई, प्रमुख प्रशासकीय अधिकृत कुमार बस्नेत पालिकाका कर्मचारी, प्रतिनीधि, बजार व्यवस्थापन समितिका पदाधिकारी, प्रहरीको उपस्थितिमा नष्ट गरिएको हो ।
चाडपर्बको समयमा हुनसक्ने सम्भावित कालोबजारी, ठगी तथा अखाद्य तत्वको बिक्री वितरणलाई नियन्त्रण गर्ने बजार अनुगमन गरेको पालिका उपाध्यक्ष सुनिता राईले बताइन् ।
म्याद गुज्रिएको अखाध्य वस्तुको सुचि:
