58 पटक हेरिएको 
इलामः इलाममा चार दिने तालिम डिसाईनिङ तथा सहजीकरण सिपमा आधारित जेनेरल टट प्रशिक्षक प्रशिक्षण (जेनरल ट्रेनिङ अफ टे्रनर अन टे्रनिङ डिजाइनिङ एण्ड फ्यासिलिटेसन स्कील) तालिम सोमबार सम्पन्न भएको छ ।
मानव अधिकार मञ्च नेपाल इलामको आयोजनामा भएको तालिममा तालिममा सहजिकरण गर्नका लागि आवश्यक विभिन्न सीप तथा अभ्यासकोे बारेमा जानकारी गराइएको थियो ।
तालिममा प्रशिक्षणका लागि तालिमको डिजाइनिङ, मेन्युल तथा प्रशिक्षण सीपको बारेमा जानकारी गराइएको थियो । यसका साथै तालिम सत्र योजना अनुसार सेशनमा प्रशिक्षकमा हुनु पर्ने सीपको विषयमा छलफल भएको मानव अधिकार मञ्चले जनाएको छ ।
मावन अधिकारको अवधारणा, मानव अधिकार सम्बन्धि पूर्वीय र पश्चिमा विचारमा भएका मुल भिन्नताका विषयमा समेत छलफल भएको थियो ।
तालिम र शिक्षण विधिमा फरक, बाल सिकाई र वयास्क सिकाई सीप, यसको सिद्धान्तका विषयमा जानकारी गराइएको तालिमको सहजिकरण अधिवक्ता राजेश हमालले गरेका थिए ।
कार्यालयसँग सम्बन्धित जनशक्तिको सीपको विकास गर्न सञ्चालन भएको तालिममा मानव अधिकार मञ्च नेपाल इलामको कर्मचारीहरूको सभागिता रहेको थियो ।
