नगरपालिकाले दियो आप्रवासी बहुद्देसीय सहकारी संस्थालाई एक लाख बराबरको सामग्री 


सेवारो खबर  230 पटक हेरिएको

फिक्कलः सूर्योदय नगरपालिकाले वडा नम्बर १४ लक्ष्मिपुरमा रहेको आप्रवासी बहुद्देसीय सहकारी संस्थालाई एक लाख बराबरको कार्यालय सामग्री हस्तान्तरण गरेको छ ।

नगरपालिकाको श्रम तथा रोजगार प्रवद्र्वन शाखा अन्तर्गत बैदेशिक रोजगारबाट फर्किएको व्यक्तिहरूको पुनएकीकरण कार्यक्रम (रेमी) द्वारा सामग्री हस्तान्तरण गरिएको जनाइएको छ ।

स्टील दराज, बक्सवाला स्टील टेबल दुई दुई थान हस्तान्तरण गरे । यसका साथै रिबल्भिङ चेयर र फायल रयाक एक एक थान र ५० थान प्लाष्टिकको कुर्सी दिइएको रेमी कार्यक्रमका रोजगार परामर्शकर्ता इश्वरी तामाङले जानकारी गराए ।

नगरप्रमुख रणबहादुर राईले बुधबार कार्यक्रम गर्दै संस्थाका अध्यक्ष अर्जृुन अधिकरी र कोषाध्यक्ष रिना राईलाई सामग्रीको चाबी सहित सामग्री हस्तान्तरण गरे ।

सामग्री हस्तान्तरण गर्दै नगर प्रमुख राईले ऋण तथा बचतमा मात्र सीमित नराखी सहकारी संस्थालाई व्यवसायी लगानीमा बृद्धि गर्न योजनाबद्व पैचो लगानीमा लाग्न आग्रह गरे ।

प्रमुख राईले सहकारीलाई आगामी दिनमा संस्थागत विकासकामा आवश्यक बजेट व्यवस्थान गरिदिने जानकारी गराए ।

स्थानीय क्षेत्रमा आप्रवासनबाट फर्किएको व्यक्ति, बैदेशिक रोजगारीमा रहेका परिवारका सदस्य तथा रोजगारीका शिलसिलामा मृत्यूभएका  परिवारका सदस्यलाई स्थानीय स्तरमै उद्यमी बन्न प्रोत्साहन गर्ने । संस्थाका सदस्यले उत्पादन गरेको वस्तुलाई खरिद गरी बिक्री प्रवद्र्वनमा सहयोग पुर्‍याउदै अधिकतम नाफा दिलाउन टेवा पुर्‍याउन सहकारी स्थापना गरेको संस्थाका अध्यक्ष अर्जुन अधिकरीले जानकारी गराए ।

सहकारीमा विदेशबाट फर्किएका, बैदेशिक रोजगारमा रहेका व्यक्तिका परिवारका सदस्य, तथा वैदेशिक रोजगारका क्रममा मृत्यू भएकाको परिवारका सदस्य समेटिएको छ । ४१ जनाबाट सुरूवात गरेको संस्थामा अहिले ६४ जना सदस्य पुगेको बताइएको छ ।

सहकारी संस्थाका सेयर सदस्यलाई नगरपालिकाको आन्तयरक स्रोतबाट तीन पटक क्षमता अभिबृद्वि तालिम दिएको छ । संस्थाले अहिले बचत संकलन र ऋण लगानी गरिरहेका छ ।

यसअघि सहकारीले मासु अन्य स्थानीय उत्पादनबाट अचारको परीक्षण उत्पादन र बिक्री गरि सकेको छ ।

तपाईको प्रतिक्रिया

सम्बन्धित समाचार