51 पटक हेरिएको 
इलाम: मादक पदार्थ सेवन गरी सामुहिक रुपमा झगडा गर्ने व्यक्तिलाई आइतबार राती इलाम बजारबाट प्रहरीले पक्राउ गरेको छ ।
आइतबार राती ९ बजे इलाम नगरपालिका ७ इलाम बजारको नाङ्लो होटल छेउमा सामुहिक झगडा भइरहेको खबर पाएपछि घटनास्थलबाट झगडा गर्ने इलाम नगरपालिका ९ गोलाखर्क बस्ने बर्ष २५ को बिष्णु कार्की, सोही स्थान बस्ने बर्ष ३३ को मन कुमार चेम्जोङ र सोही स्थान बस्ने बर्ष २८ को शाजन राईलाई पक्राउ गरेको प्रहरीले जनाएको छ ।
झगडा पश्चात फरार भएका ब्यक्तिहरुलाई प्रहरीले खोजी कार्य गर्ने क्रममा सोमबार बिहान इलाम नगरपालिका ९ गोलाखर्क बस्ने बर्ष २५ राम थापा र सोही स्थान बस्ने बर्ष २२ को खम्बासीङ तामाङ समेतलाई पक्राउ गरी थप अनुशन्धान भईरहेको प्रहरी निरिक्षक राजेन्द्रकुमार पौडेलले जानकारी गराए ।
झगडामा संलग्न अन्य ब्यक्तिहरुको खोजी भइरहेको जिल्ला प्रहरी कार्यालय इलामले जनाएको छ ।
