397 पटक हेरिएको 
ᤀᤡᤗᤠᤶ: ᤁᤡᤖᤠᤋ᤻ ᤛᤡᤖᤡᤈᤱᤃᤠ ᤕᤢᤏᤡᤁᤥᤍ ᤁᤡᤒᤥᤍ ᤁᤠᤰᤀᤡᤱ ᤛᤧᤔᤠ ᤌᤡᤶᤒᤣ ᤐᤥᤂᤣ ᤀᤠᤱ ᤘᤠ ॥ ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤏᤣᤐᤠᤸ ᤏᤢ ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤗᤠᤱᤃᤣᤳ ᤁᤥᤖᤡᤕᤠ ᤖᤣ ᤀᤤᤴ ᤑᤥᤖᤠᤠᤒᤠ ᤕᤣᤴ ᤁᤠᤰᤀᤡᤱ ᤛᤧᤔᤠ ᤌᤡᤶᤒᤣ ᤆᤥᤃᤣᤇᤢᤒᤠ ᤀᤥ ᤁᤸᤗᤧᤴ ᤀᤥᤃᤠᤵ ᤆᤥᤰᤔᤠ ᤀᤢᤴᤏᤡᤱ ᤔᤧᤈᤥᤃᤢ ॥
ᤁᤠᤰᤀᤡᤱ ᤛᤧᤔᤠ ᤌᤡᤶᤒᤣ ᤛᤢᤏᤠᤜᤴ ᤆᤥᤃᤢᤷ ᤋᤃᤡᤒᤠ ᤁᤢᤗᤐᤋᤡ ᤏᤢ ᤛᤢᤈᤠᤍᤠᤱᤒᤠ ᤛᤠᤶᤏᤡᤃᤣᤶᤒᤠ ᤒᤤᤖᤠᤃᤡ ᤁᤠᤀᤡᤗᤠᤖᤣ ᤕᤠᤰᤌᤢᤱ ᤐᤠᤴᤗᤣᤴ ᤌᤥᤠᤒᤥ ᤆᤥᤰᤔᤠ ᤕᤠᤶᤒᤰᤀᤥ ᤌᤡᤰᤜᤡᤵ ᤐᤥᤱᤔᤠ᤺ ᤐᤣᤗᤡ ᤆᤥ᤺ᤃᤢ ॥
ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤗᤧᤴ ᤌᤥᤛᤢᤍᤡᤶᤒᤠ ᤐᤪᤣᤔ ᤕᤧᤰᤋᤣᤴ ᤖᤣ ᤁᤢᤈᤢᤶᤗᤢᤱᤒᤠᤠᤱᤀᤥ ᤁᤣᤒᤥᤱᤒᤠ ᤌᤡᤶᤒᤣᤀᤥ ᤕᤢᤏᤡᤁ ᤁᤥᤍ ᤁᤈᤥᤰᤐᤠ ᤐᤪᤠᤒᤡᤎᤡᤰ ᤐᤘᤴ ᤆᤋᤪᤁᤠᤖ ᤖᤧ ᤀᤥᤃᤠᤵ ᤖᤣ ᤐᤠᤴᤍᤠᤀᤥ ᤌᤠᤠᤠᤀᤡᤱ ᤆᤥᤃᤢ ॥
ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤗᤠᤱᤃᤣᤳ ᤁᤥᤖᤡᤕᤠᤒᤠ ᤌᤥᤛᤢᤍᤡᤶᤒᤠ ᤍᤷᤡᤈ ᤁᤠᤱᤓᤠᤖᤣ ᤗᤠᤶᤍᤠᤰ ᤐᤠᤴ ᤕᤢᤰᤂᤢᤷ ᤕᤠᤰᤌᤢᤱ ᤐᤠᤴᤏᤡᤴ ᤜᤡᤶᤕᤠᤶᤒᤰᤀᤥ ᤀᤥᤃᤠᤵ ᤆᤥᤰᤔᤠ ᤀᤢᤛᤢᤪ ᤆᤥᤰᤔᤠ ᤕᤠᤶᤒᤰ ᤐᤥᤂᤣᤒᤠ ᤐᤠᤴ ᤕᤢᤰᤂᤢ ॥
ᤕᤢᤏᤡᤁᤥᤍ ᤁᤥ ᤜᤠᤶᤒᤪᤡᤰᤐᤠ ᤕᤠᤶᤒᤰ ᤆᤥᤰᤔᤠ ᤏᤡᤒᤥᤱ ᤏᤢᤛᤡ ᤗᤠᤅᤣᤴ ᤏᤢ ᤋᤢᤰ ᤜᤣᤶᤇᤡᤱ ᤕᤠᤱ ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤗᤠᤱᤃᤣᤳ ᤁᤥᤖᤡᤕᤠᤖᤣ ᤛᤢᤵᤛᤢᤒᤠ ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱᤗᤣᤴ ᤔᤠ ᤛᤢ᤺ᤜᤠᤱᤔᤡᤔᤠ ᤏᤡᤖᤴᤋᤡ ᤋᤢᤶᤒᤠᤐᤥᤖᤣ ᤌᤠᤀᤡᤱ ᤆᤥᤃᤢ ॥ ᤒᤠᤀᤰᤂᤣᤗᤖᤡᤰ ᤆᤢᤶᤗᤢᤱᤗᤣ ᤀᤠᤱ ᤏᤡᤒᤥᤱ ᤗᤠᤅᤣᤴ ᤕᤠᤱ ᤕᤢᤰᤂᤢ ᤘᤠ ॥
ᤁᤠᤰᤀᤡᤱ ᤛᤧᤔᤠ ᤌᤡᤶᤒᤣᤀᤥ ᤛᤠᤶᤏᤡᤃᤣᤶᤒᤠ ᤋᤢᤳᤋᤢ ᤀᤔᤖ ᤋᤢᤶᤕᤠᤜᤠᤱ, ᤍᤡᤒᤡ ᤀᤠᤶᤒᤢᤱ ᤏᤢ ᤕᤠᤰᤌᤢᤱ ᤐᤠᤴ ᤜᤣᤰᤛᤠᤶᤛᤠᤒᤠ, ᤀᤡᤱᤄᤱᤛᤠᤒᤠ, ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱᤖᤣᤴ ᤐᤖᤡᤰ ᤐᤖᤡᤰ ᤐᤥᤖᤠᤰᤐᤠ ᤗᤠᤶᤗᤥᤠᤒᤥᤜᤠ ᤗᤰ ᤔᤣᤗᤥᤖᤣ ᤀᤠᤱ ᤔᤣᤘᤕᤣ ॥
