123 पटक हेरिएको 
ᤀᤡᤗᤠᤶ: ᤔᤢᤰᤁᤢᤶᤗᤢᤱ ᤋᤣᤴ ᤀᤥ ᤁᤣᤒᤗᤁᤠᤖ ᤆᤥ᤺ᤰ ᤔᤣᤶᤒᤠᤱᤔᤠ᤺ ᤆ᤺ᤰ ᤔᤣᤶᤒᤢ ᤀᤣᤵᤗᤧᤰ ᤋᤱᤃᤠᤶ ᤐᤥᤱᤗ ᤕᤠ᤺ᤰ ॥ ᤁᤣᤒᤗᤁᤠᤖ ᤆᤥᤰᤔᤠ᤺ ᤔᤣᤏᤢᤏᤣᤴ ᤁᤣᤖᤒᤠ ᤐᤖᤢᤵᤜᤠ᤹᤺ᤏᤢ ᤕᤢᤰᤑᤥᤖᤣ ᤕᤠᤵᤔᤡ ᤀᤡᤛᤡᤰᤐᤠ᤺ ᤕᤠᤶᤒᤰ ᤔᤣᤈᤥᤰᤁᤣ ᤘᤠ ॥
ᤔᤢᤰᤁᤢᤶᤗᤢᤱ ᤋᤠᤱᤛᤣᤵ ᤆᤢᤶᤓᤥ ᤏᤢ ᤔᤢᤰᤁᤢᤶᤗᤢᤱ ᤛᤶᤖᤰᤇᤩᤏ ᤀᤴᤋᤖᤍᤗᤡᤕ᤺ ᤛᤶᤕᤢᤰᤋ ᤛᤱᤄᤷᤛ ᤛᤔᤡᤋᤡᤸᤗᤣ ᤔᤢᤰᤁᤢᤶᤗᤢᤱ ᤋᤣᤴ ᤀᤥ ᤁᤣᤒᤗᤁᤠᤖ ᤆᤥ᤺ᤰ ᤔᤣᤶᤒᤠᤱᤔᤠ᤺ ᤆ᤺ᤰ ᤔᤣᤶᤒᤢ ᤔᤡᤰᤛᤥᤶᤔᤠ᤺ ᤌᤡᤶᤒᤣ ᤆᤥᤃᤢᤖ ᤕᤠ᤺ᤰ ॥
ᤔᤢᤰᤁᤢᤶᤗᤢᤱ ᤋᤠᤱᤛᤣᤵᤔᤠ᤺ ᤏᤢ ᤕᤠᤵᤔᤡ ᤀᤡᤛᤡᤰᤐᤠ᤺ ᤕᤠᤶᤒᤰ ᤔᤣᤴᤈᤥᤰᤏᤠᤒᤠ᤺ ᤂᤠᤶᤄᤢ ᤕᤠᤶᤒᤰ ᤀᤵᤔᤠ᤺ ᤀᤥᤛᤣᤴᤍᤱ ᤕᤥᤓᤥᤀᤡᤱ ᤁᤠᤌ᤻ᤔᤠᤴᤍᤢᤏᤢ ᤛᤥᤖᤡᤰ ᤌᤢᤶᤌᤢᤶ ᤀᤥ ᤐᤥᤱᤗ ᤕᤠ᤺ᤰ ॥
ᤏᤥ ᤁᤣᤒᤗᤁᤠᤖ ᤐᤖᤢᤵᤐᤡᤸᤗᤧ ᤁᤠᤌ᤻ᤔᤠᤴᤍᤢ᤹ᤒᤠ ᤔᤠᤀᤡᤋᤡᤄᤖ ᤔᤴᤍᤗᤠᤀᤥ ᤔᤡᤵᤔᤠ ᤂᤧᤰᤛᤢᤒᤠ ᤕᤧᤴ ᤁᤣᤒᤗᤁᤠᤖ ᤗᤠᤶ ᤑᤥ᤹᤺ᤍᤡᤶᤒᤠ ᤆᤠᤜᤠ᤹᤺ᤔᤣᤈᤥᤰᤏᤣᤴ ॥ ᤕᤠᤵᤔᤡ ᤛᤣᤵᤔᤠ ᤕᤠᤶᤒᤰᤁᤡᤸᤗᤣ ᤑᤥ᤹᤺ᤍᤡᤶᤒᤠ ᤗᤠ᤺ᤶ ᤏᤢ ᤏᤡᤛᤢᤶᤔᤡᤒᤠ᤺ ᤔᤡᤱᤛᤥ ᤔᤠ᤺ᤛᤢ ॥ ᤔ᤺ᤣᤛᤠᤵᤋᤢᤒᤠ ᤀᤥᤴᤎᤠᤰ ᤀᤡᤰᤆᤢᤶ ᤛᤥᤖᤡᤰ ᤀᤥᤛᤣᤴᤍᤱ ᤈᤥᤃᤢ ᤀᤠᤱ ᤘᤠ ॥
ᤀᤥᤛᤣᤴᤍᤱ ᤀᤥ ᤗ᤺ᤰ ᤁᤣᤗᤥᤒᤠᤜᤠ᤹᤺ᤖᤣ ᤂᤠᤶᤄᤢᤖᤣᤴ ᤑᤥ᤺ᤍᤡᤶᤒᤠ ᤌᤡᤶᤔᤡᤸᤗᤣ ᤂᤠᤶᤒᤥᤱᤘᤠ ᤗᤢᤱᤒᤥᤱᤘᤠ ᤛᤢᤘᤠᤱ ᤕ᤺ᤢᤁ ᤗᤠ᤺ᤈᤣ ᤀᤥᤏᤢ ᤆᤳᤇᤡᤱᤔᤠ ᤀᤡᤎᤠ᤺ᤧ᤹ᤀᤥ ᤔᤣᤃᤣᤖᤣᤒᤠ ᤐᤠ᤺ᤴ ᤔᤧᤒᤠ᤺ᤋᤢ ॥
ᤏᤥ ᤁᤣᤒᤗᤁᤠᤖ ᤐᤖᤢᤵᤐᤡᤸᤗᤧ ᤂᤠᤶᤄᤢᤖᤣᤴ ᤑᤥ᤺ᤍᤡᤶᤒᤠ ᤐᤠ᤺ᤋᤢᤒᤠ ᤁᤣᤒᤢᤗᤁᤠᤖᤣᤰᤗᤣ ᤔᤢᤰᤁᤢᤶᤗᤢᤱ ᤋᤣᤴᤀᤥᤒᤠ᤺ ᤛᤠᤰᤌᤡᤶᤔᤡᤒᤠ ᤌᤠᤰᤕᤢᤌᤡᤶ, ᤕᤠᤱᤏᤡᤶ ᤌᤡᤱᤃᤠᤒᤠ ᤔᤡᤱᤛᤥᤀᤥ ᤆ᤺ᤰᤔᤣᤶᤒᤢ ᤌ᤺ᤰᤛᤠᤱ ᤆᤥᤰᤔᤠ ᤏᤡᤱᤘᤠᤜᤢᤵ ᤔᤣᤈᤥᤃᤢᤷ ᤁᤣᤍᤧᤶᤛᤡᤱᤒᤠ᤹ ᤗᤣᤵᤔᤠ ᤐ᤺ᤡᤔᤠ, ᤁᤣᤃᤠᤶᤒᤠ᤹ᤜᤠ ᤛᤡᤍᤠ ᤔᤣᤵᤔᤠ᤺ ᤏᤢ ᤂᤠᤖᤣᤴᤗᤣᤴ ᤂᤠᤛᤣᤴ ᤆᤥᤰᤁᤡ ᤁᤠ᤺ᤰ ᤋᤠ᤺ᤱᤛᤣᤵ ᤆᤥᤰᤔᤠ ᤏᤠ᤺ᤰ ᤔᤣᤈᤥᤃᤢ ᤀᤠᤱᤘᤠ ॥
ᤛᤠᤰᤑᤣᤰᤘᤠ᤺ ᥌ ᤀᤠᤱᤏᤠ᤺ ᥎ ᤕᤧᤴ ᤜᤠᤶᤒᤪᤡᤰᤐᤠ ᤔᤢᤰᤁᤢᤶᤗᤢᤱ ᤗᤠ᤺ᤶᤍᤡᤰ ᤆᤢᤖᤧᤀᤠᤱ ᤁᤣᤒᤗᤁᤠᤖ ᤁᤣᤕᤢᤱᤛᤡᤱᤒᤠ ᤋᤧᤴ ᤀᤥ ᤎᤷᤏᤠ᤺ ᤐᤡᤔᤠᤕᤧᤶ ᤀᤥ ᤋᤡᤗᤡᤱᤃᤠ ᤏᤢ ᤌ᤺ᤰᤛᤠᤱᤛᤠᤒᤠ᤺ᤜᤠ ᤕᤸᤗᤡᤰ ᤔᤣᤃᤠᤴᤍᤧ ᤔᤧᤘᤕᤣ ॥
ᤛᤠᤰᤑᤣᤰᤘᤠ᤺ ᥇᥆ ᤕᤧᤴᤒᤠ᤺ ᤑᤢᤱᤗᤡᤱᤒᤠ᤺ ᤛᤏᤠᤖᤢᤱ ᤀᤧᤵᤗᤣᤰ ᤀᤡᤰᤆᤢᤶ ᤀᤣᤃᤠ᤺ᤱ ᤋᤡᤗᤡᤱᤃᤠᤜᤠ᤺ᤖᤣ ᤌ᤺ᤰᤛᤠᤱᤛᤠᤒᤠ᤺ᤜᤠ ᤆᤡᤕᤠ᤺ᤎᤥᤰ ᤛᤡᤃᤠ᤺ᤱ ᤜᤡᤵᤔᤠ᤺, ᤑ᤺ᤵᤔᤠ᤺, ᤛᤣᤵᤔᤠ᤺, ᤜᤡᤶᤜᤡᤶᤗᤠᤶᤏᤢ ᤜᤡᤵᤔᤠ᤺ᤛᤡᤖ ᤋ᤺ᤣᤔᤠᤛᤡ ᤕᤠᤶᤒᤰᤁᤡᤴ ᤕᤠᤵᤔᤡᤀᤡᤛᤡᤰᤐᤠ᤺ ᤔᤣᤶᤒᤥᤅᤣ ᤔᤣᤴᤇᤠᤶᤗᤠᤄᤥ ᤀᤣᤵᤗᤧᤰ ᤐᤥᤂᤣᤀᤠᤱ ᤘᤠ ॥ ᤂᤣᤴ ᤌ᤺ᤰᤛᤠᤱ ᤀᤥ ᥋ ᤌ᤺ᤰᤛᤠᤒᤠ᤺ᤜᤠ ᤔᤣᤃᤠᤴᤍᤣ ᤀᤠᤱ ᤔᤣᤘᤕᤣ ॥ ᤜᤢᤴᤇᤡᤖᤣᤴ ᤛᤡᤍᤠᤐᤠ᤺ᤍᤠ ᤐᤥᤱᤔ ᤕᤠ᤺ᤰ ॥ ᥇᥋ ᤕᤠᤵᤔᤡᤜᤠ᤹ ᤋᤡᤗᤡᤱᤃᤠ᤹ᤜᤠᤖᤣ ᤔᤣᤍᤣᤶᤛᤢᤛᤥ ᤀᤠᤱ ᤘᤠ ॥
