100 पटक हेरिएको 
ᤀᤡᤗᤠᤶ: ᤀᤣᤐᤡᤀᤣᤑ ᤏᤡᤛᤡᤃ᤺ᤧᤰᤐᤠ ᤁᤖᤣᤴᤋ ᤀᤴᤋᤖᤠᤛ᤻ᤋᤪᤡᤕ ᤀᤠᤔᤴᤋᤪᤡᤋ᤻ ᤔᤜᤡᤗᤠ ᤃᤥᤸᤍᤁᤐ ᤀᤡᤗᤠᤶ ᥈᥆᥎᥇ ᤖᤣᤴ ᤆᤠᤩᤔᤐᤡᤕᤴ ᤐᤥᤂᤣ ॥
ᤀᤡᤗᤠᤶᤒᤠ᤺ ᤕᤶᤒᤠ ᤋᤢᤍᤡᤂᤣᤗ ᤀᤥ ᤛᤣᤴᤇᤪᤣᤱᤒᤠ ᤕᤣᤴ ᤁᤣᤒᤥᤱᤒᤠ ᤏᤠᤴᤓᤥ ᤀᤥ ᤏᤣᤐᤠᤸ ᤀᤠᤷᤔᤡᤴ ᥈-᥇ ᤃᤥᤗ ᤖᤧ ᤏᤠᤴᤍᤢᤖ ᤆᤠᤩᤔᤐᤡᤕᤴ ᤐᤥᤂᤣ ᤀᤠᤱ ᤘᤠ ॥
ᤆᤠᤩᤔᤐᤡᤕᤴ ᤁᤣᤒᤥᤱᤒᤠ ᤀᤣᤐᤡᤀᤣᤑᤖᤣ ᥊ ᤗᤠ᤺ᤅᤣᤴ ᤕᤠ᤺ᤱ ᤋᤪᤑᤡ ᤔᤣᤍᤸ ᤏᤢ ᤜᤣᤴᤈᤡᤛᤰ ᤂᤥᤛᤢ ॥ ᤏᤣᤐᤠᤸ ᤀᤠᤷᤔᤡᤸᤗᤣ ᥈ ᤗᤠ᤺ᤅᤣᤴ ᤕᤠ᤺ᤱ ᤋᤪᤑᤡ ᤔᤣᤍᤸ ᤏᤢ ᤜᤣᤴᤈᤡᤛᤰ ᤂᤥᤛᤢ ॥
ᤜᤰᤆᤠ᤺ᤳ ᤌᤢᤶᤄᤥ ᤖᤣ ᤗᤠ᤺ᤃᤡ ᤛᤒᤡᤋᤠ ᤖᤠᤏᤠ ᤏᤢ ᤃᤡᤋᤠ ᤖᤠᤏᤠ ᤔᤃᤖᤣ ᤃᤥᤗ ᤕᤠᤰᤋᤣᤛᤢ ॥
ᤏᤣᤳ ᤆᤰᤗᤠ ᤕᤣᤶᤒᤠ ᤜᤰᤆᤠ᤺ᤋ᤻ ᤀᤥ ᤏᤣᤐᤠᤸ ᤀᤠᤷᤔᤡᤒᤠ ᤑᤷᤘᤠᤷᤍ ᤒᤡᤔᤗᤠ ᤆᤦᤎᤖᤡᤖᤣ ᤗᤳᤌᤡᤰ ᤃᤥᤗ ᤏᤢᤰᤋᤢ ᤀᤠᤱ ᤘᤕᤧ ॥
ᤒᤠᤄᤴ ᤜᤰᤈᤠᤳᤀᤥ ᤁᤣᤖᤣᤰᤏᤢᤸᤗᤧ ᤏᤢᤒᤠ ᤃᤥᤗ ᤖᤰᤇᤩᤁ ᤀᤠᤷᤔᤡᤒᤠ ᤀᤴᤈᤏᤠ ᤖᤠᤏᤠ, ᤍᤡᤑᤧᤴᤍᤷ ᤒᤡᤔᤗᤠ ᤒᤡᤁᤴ ᤐᤥᤂᤣ ॥ ᤜᤢᤴᤇᤡ ᤏᤣᤵᤑᤠ᤺ᤗᤣ ᥇᥆-᥇᥆ ᤜᤣᤴᤇᤡᤱ ᤕᤠ᤺ᤱ ᤏᤢ ᤋᤪᤑᤡ ᤂᤥᤛᤣᤳᤇᤢ ॥
ᤕᤸᤗᤡᤰ ᤃᤥᤗ ᤁᤣᤕᤠᤰᤔᤠ ᤀᤥ ᤖᤛ᤻ᤔᤡ ᤁᤢᤔᤠᤖᤡ ᤄᤡᤛᤡᤱ ᤏᤢ ᤔᤡᤍᤑᤡᤸᤍᤷ ᤖᤣᤏᤢᤁᤠ ᤏᤃᤷᤁᤥᤋᤡᤰᤗᤣ ᤀᤠᤱ ᥇᥆-᥇᥆ ᤜᤣᤴᤇᤡᤱ ᤕᤠᤱ ᤏᤢ ᤋᤪᤑᤡ ᤂᤥᤛᤣᤳᤇᤢ ॥
ᤏᤢᤒᤠ ᤆᤠᤳᤗᤠᤔᤠ᤺ ᤀᤣᤐᤡᤀᤣᤑᤒᤠ ᤀᤏᤡᤋᤠ ᤒᤛ᤻ᤏᤣᤋ ᤀᤡᤱᤓᤥᤴ ᤐᤥᤂᤣ ᤜᤢᤏᤣ ᥇᥋ ᤜᤣᤴᤇᤡᤱ ᤕᤠᤱ ᤋᤪᤑᤡ ᤂᤥᤛᤢ ॥
ᤑᤠᤀᤡᤏᤗ ᤀᤥ ᤀᤢᤔᤴ ᤀᤑ ᤍᤡ ᤔᤠᤩᤆ ᤀᤣᤐᤡᤀᤣᤑᤒᤠ ᤛᤒᤡᤋᤠ ᤖᤠᤏᤠᤔᤃᤷ ᤐᤥᤂᤧ ᤜᤡᤏᤣ ᥋ ᤜᤧᤴᤇᤡᤱ ᤕᤠᤱ ᤂᤥᤛᤢ ॥
