592 पटक हेरिएको 
ᤋᤠᤵᤗᤣᤈᤢᤱ: ᤋᤠᤵᤗᤣᤈᤢᤱᤖᤧᤴ ᤑᤢᤱᤗᤡᤱ ᤋᤥᤰᤔᤠᤠᤠᤠᤠᤠ ᤁᤥᤰᤔᤠ᤹ᤀᤥ ᤋᤠᤰᤘᤠᤈᤱ ᤕᤠ᤹᤺ᤗᤠᤰᤔᤠᤍᤣᤴ ᤔᤣᤈᤥᤃᤢ ᤀᤠᤱ ᤘᤠ ॥
ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤀᤡᤈᤖᤠᤕᤗᤖᤣ ᤁᤢᤓᤠᤛᤡᤱ ᤕᤠᤅᤡᤸᤗᤣ ᤕᤠᤰᤕᤢᤱ ᤛᤢᤘᤠᤱᤖᤣᤴ ᤛᤠᤰᤌᤡᤶ ᤋᤠᤱᤛᤣᤵᤔᤠ ᤀᤡᤳᤗᤠ ᤔᤣᤈᤥᤃᤢᤒᤠ ᤖᤥ ॥
ᤋᤠᤰᤘᤠᤈᤱ ᤕᤠ᤹᤺ᤗᤠᤰᤔᤠᤍᤣᤴ ᤆᤥᤰ ᤛᤈᤢᤶ ᤏᤢ ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱ ᤋᤠᤵᤗᤣᤈᤢᤱᤖᤣ ᤁᤢᤍᤱᤜᤡᤒᤠᤀᤥ ᤀᤡᤳᤗᤠ ᤔᤣᤈᤥᤃᤢᤒᤠ ᤀᤡᤱᤄᤱ ᤘᤠ ॥ ᤀᤡᤳᤗᤠ ᤆᤥᤰᤔᤠ ᥎᥆ ᤗᤠᤅᤣᤴ ᤕᤠᤱ ᤗᤠᤛᤣᤒᤠ ᤕᤠᤰᤕᤢᤱ ᤆᤢᤶᤗᤢᤱ ᤋᤠᤵᤗᤣᤈᤢᤱᤖᤣ ᤌᤠᤀᤡᤱ ᤆᤥᤃᤢᤀᤱ ᤘᤠ ॥
ᤀᤠᤓᤢᤏᤡᤁᤋᤠᤴᤏᤢ ᤛᤥᤖᤡᤰ ᤀᤠᤒᤠᤅᤣ ᤜᤠᤰᤏᤠᤶᤓᤣᤒᤠ ᤛᤠᤰᤌᤡᤶᤔᤡᤒᤠ ᤆᤥᤰᤌᤡ ᤔᤕᤣᤖ ᤐᤣᤒᤠ ᤕᤧᤶᤀᤥ ᤁᤴ ᤀᤡᤳᤗᤠᤸᤗᤣ ᤕᤠᤰᤌᤢᤱ ᤛᤠᤰᤌᤡᤶ ᤋᤠᤱᤛᤣᤵᤔᤠᤠᤀᤥ ᤑᤠᤛᤡᤱ ᤆᤥᤃᤢᤒᤠ ᤁᤡᤕᤠᤆᤢ ᤋᤠᤵᤗᤣᤈᤢᤱᤒᤠ ᤆᤢᤶᤗᤢᤱᤍᤠᤱᤔᤠ ᤀᤡᤴᤍᤡᤖᤠ ᤔᤣᤴᤕᤠᤱᤒᤥᤖᤣ ᤐᤠᤋᤢ ॥
ᤑᤰᤋᤠᤱᤗᤢᤱ ᤏᤢ ᤔᤢᤰᤁᤢᤶᤗᤢᤱ ᤕᤧᤰ ᤁᤣᤔᤣᤵᤐᤠ ᤏᤣᤳ ᤌᤠᤱᤒᤣᤴ ᤏᤢ ᤏᤣᤳ ᤔᤣᤴᤇᤕᤠᤗᤣᤴᤕᤠ᤹᤺ ᤕᤠ᤹ᤗᤠᤅᤡ ᤁᤧᤕᤣᤵᤐᤠ ᤀᤡᤳᤗᤠᤴ ᤗᤥᤖᤡᤵᤐᤠ ᤐᤢᤷᤏ ᤘᤏᤣᤶᤖᤧ ᤁᤢᤗᤠᤶᤗᤥᤠᤒᤠᤀᤥ ᤔᤣᤈᤥᤃᤢᤒᤠ ᤖᤥ ॥ ᤗᤥᤖᤡᤵᤐᤠ ᤐᤢᤷᤏ ᤘᤏᤣᤶᤖᤧ ᤁᤢᤗᤠᤶᤗᤥᤠᤒᤠᤀᤥ ᤁᤣᤘᤠᤒᤠ ᤐᤖᤢᤵ᤹ᤖᤣ ᤁᤠᤱᤛᤠᤴ ᤀᤥᤃᤥᤵ ᤔᤣᤈᤥᤃᤢᤱ ᤀᤡᤳᤗᤠ᤹ ᤔᤧᤃᤠᤶᤛᤢᤒᤠ ᤔᤣᤈᤣᤰᤂᤢᤀᤠᤱ ᤘᤠ ॥
ᤕᤠᤰᤌᤢᤱ ᤛᤢᤘᤠᤱᤖᤧᤴ ᤛᤠᤰᤌᤡᤶᤔᤡᤒᤠ ᤏᤡᤛᤢᤶᤖᤧᤴ ᤔᤡᤱᤛᤥ ᤕᤢᤰᤂᤢᤒᤠ ᤀᤡᤳᤗᤠ ᤆᤥᤰᤔᤠ ᤕᤠᤶᤒᤰ ᤁᤧᤍᤱᤒᤠ ᤁᤡᤷᤋᤡᤔᤠᤴ ᤔᤠᤍᤧᤴᤖᤧ ᤆᤧᤰᤂᤢᤖ ᤐᤠᤋᤢ ‘ᤁᤸᤗᤧ ᤕᤠᤰᤌᤢᤱ ᤛᤢᤘᤠᤱᤖᤧᤴ ᤛᤠᤰᤌᤡᤶ ᤋᤠᤱᤛᤧᤵᤔᤠ ᤏᤰᤑᤠᤱ ᤐᤥᤂᤣᤀᤠᤱ ᤘᤠ ॥ ᤕᤠᤰᤕᤢᤱ ᤜᤠᤰᤏᤠᤶᤓᤣᤒᤠ ᤛᤠᤰᤕᤡᤶ ᤁᤢᤛᤱ ᤌᤠᤰ ᤛᤢᤘᤠᤱᤜᤠ ᤜᤢ᤹ᤔᤠᤛᤡ ᤕᤠᤶᤒᤰ ᤆᤥᤃᤢ ॥’
