ᤏᤠ᤺ᤰᤐᤥᤎᤰ ᤔᤧᤶᤒᤥᤱ ᤜᤠ᤺ᤶᤒᤪᤡᤰ ᤆᤰ᤹ᤔᤣᤶᤒᤢ᤹ ᤋᤠᤵᤗᤣᤈᤢᤱ ᤗᤠᤶᤛᤠᤰ ᤀᤡᤱᤓᤥᤴ

ᤀᤡᤗᤠᤶ: ᤔᤢᤰᤁᤢᤶᤗᤢᤱ ᤀᤥ ‘ᤏᤥ ᤁᤣᤒᤢᤸᤁᤠᤖ’ ᤐᤖᤢᤵᤖᤣ ᤀᤠᤒᤠᤅᤣ ᤏᤠ᤺ᤰ ᤐᤥᤎᤰ ᤔᤧᤶᤒᤥᤱ ᤜᤠ᤺ᤶᤒᤪᤡᤰ ᤁᤰᤑᤧᤘᤠ ᥇᥋ ᤕᤧᤴ ᤀᤠᤱ ᤁᤏᤠ ᤆᤰ ᤔᤣᤶᤒᤢ᤹ ᤋᤠᤵᤗᤣᤈᤢᤱ ᤗᤠᤶᤛᤠᤰ ᤆᤥᤃᤢᤷ ᤕᤠ᤺ᤰ ॥

ᤀᤠᤒᤠᤅᤣ ᤏᤠ᤺ᤰ ᤐᤥᤎᤰ ᤔᤧᤶᤒᤥᤱ ᤜᤠ᤺ᤶᤒᤪᤡᤰ ᤔᤣᤆᤡ ᤜᤠᤱᤗᤠᤶ, ᤋᤔᤥᤷ ᤁᤖᤡᤍᤥᤖ ᤏᤢ ᤋᤧᤷᤌᤢᤶ ᤁᤣᤒᤥᤱᤒᤠᤷ ᤋᤠᤵᤗᤣᤈᤢᤱ ᤁᤣᤒᤣᤰᤐᤠ ᤗᤠᤶ ᤀᤥ ᤁᤠᤳᤕᤠ᤹ ᤗᤠᤎᤠ᤺ ᤗᤥᤰᤔᤠ ᤆᤡᤛᤠᤰ ᤔᤧᤈᤥᤃᤡ ᤀᤠᤱ ᤘᤠ ॥

ᤔᤢᤰᤁᤢᤶᤗᤢᤱ ᤁᤣᤏᤣᤒᤠ ᤋᤧᤴ ᤀᤥ ᤁᤣᤒᤢᤸᤁᤠᤖ ᤆᤥᤰᤔᤠ ᤗᤧᤵᤔᤠ ᤁᤣᤒᤥᤱᤒᤠ ॥ ᤔᤢᤰᤁᤢᤶᤗᤢᤱ ᤔᤡᤅᤣ ᤘᤠᤵᤔᤠ ॥ ᤔᤢᤰᤁᤢᤶᤗᤢᤱ ᤋᤣᤴᤀᤥ ᤂᤠᤶᤄᤢᤗᤠᤶ ᤁᤣᤒᤥᤱᤒᤠᤖ ᤁᤣᤕᤠᤰᤐᤠ᤺ ᤕᤠᤵᤔᤡ ᤕᤱᤔᤠ᤹ ᤛᤣᤵᤔᤠ ᤕᤠᤶᤒᤰ ᤆᤥᤰᤔᤠ ᤗᤣᤵᤔᤠ ᤁᤣᤒᤥᤱᤒᤠ᤺ ॥ ᤂᤣᤀᤥ ᤏᤢ ᤛᤛ᤻ᤋᤪ ᤋᤡᤗᤡᤱᤃᤠᤜᤠ᤹ ᤏᤢᤰᤔᤠᤛᤡ ᤏᤠ᤺ᤰ ᤐᤖᤢᤵᤖᤣ ᤕᤢᤰᤂᤢ ᤀᤠᤱ ᤌᤰᤛᤠᤱ ᤆᤥᤰᤏᤢ ᤕᤠ᤺ᤰ ॥

‘ᤔᤢᤰᤁᤢᤶᤗᤢᤱ᤹ᤋᤧ᤺ᤴ ᤀᤥ ᤛᤛ᤻ᤋᤪ ᤋᤡᤗᤡᤱᤃᤠᤜᤠ᤹ ᤗᤠᤶ ᤋᤣᤴᤇᤠᤒᤠ᤹ ᤑᤵᤔᤠ ᤕᤠᤶᤒᤰᤁᤡᤸᤗᤧ ᤐᤠ᤺ᤴᤍᤠᤀᤥ ᤆᤥᤰᤕᤢᤶᤒᤠ ᤏᤢ ᤗᤠᤶᤛᤣᤴᤔᤠ᤹᤺ᤀᤣᤒᤠ ᤂᤠ᤺ᤛᤣᤴ ᤁᤣᤈᤥᤰᤐᤠ ᤛᤈᤢᤶ ᤜᤢᤵᤆᤢᤶ ᤆᤥᤰᤔᤠ ᤐᤥᤱ ॥ ᤋᤡᤗᤡᤱᤃᤠ᤹᤺ᤜᤠᤖᤣ ᤔᤧᤈᤥᤃᤢᤒᤠ ᤜ᤺ᤡᤏᤠᤶᤒᤠ ᤕᤠᤶᤒᤰᤁᤡᤴ ᤏᤠᤳᤗᤡᤱ ᤆᤥᤰᤔᤠ᤹ᤀᤠᤱ ᤂᤠᤶᤄᤢᤖᤣ ᤑᤧᤴᤍᤢᤒᤠ᤺ ᤔᤣᤴᤇᤠᤶᤗᤠᤄᤥ ᤗᤠᤶᤔᤡᤸᤗᤧ ᤐᤠᤴᤍᤠ᤹ᤀᤥ ᤁᤢᤈᤠ᤹ᤐᤠ᤺ᤴ ᤛᤱᤈᤢᤶᤋᤥᤴ ᤆᤥᤰᤔᤠ᤺ ᤏᤠ᤺ᤰ ᤘᤠᤒᤠ᤹ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤔᤠ᤹᤺ᤛᤢᤜᤠᤱᤔᤡᤔᤠ᤺ ᤏᤡᤖᤴᤋᤡ ᤋᤢᤶᤒᤠᤐᤥ᤹ᤖᤣ ᤌᤠᤀᤡᤱ ᤆᤥᤃᤢᤀᤠᤱ ᤘᤠ ॥

ᤀᤡᤱᤛᤰᤋᤥᤴ ᤗᤠᤶ ᤋᤡᤗᤡᤱᤃᤠᤜᤠ᤹᤺ᤖᤣᤴ ᤁᤥᤖᤠᤰᤖᤣ ᤕᤠᤱᤂᤢ᤹ᤛᤡᤒᤠ ᤛᤃᤢᤴ ᤗᤠᤘᤋᤡ᤹ ᤕᤠᤶ ᤗᤡᤶᤒᤢ ᤏᤢ ᤔᤷᤎᤴ ᤐᤠᤗᤢᤱᤘᤠᤜᤠ᤹᤺ ᤕᤢᤰᤑᤥᤗᤠᤶ ᤛᤡᤍᤠ᤹᤺ᤐᤠᤱᤍᤠ ᤔᤣᤵᤔᤠᤠ ᤏᤠ᤺ᤰ ᤀᤠᤱ ᤔᤣᤕᤢᤰᤂᤢ ᤀᤠᤱ ᤘᤠ ॥ ᤁᤣᤃᤠᤶᤒᤠ᤹ᤜᤠ᤺ ᤕᤢᤰᤑᤥᤖᤣ ᤛᤡᤍᤠ᤹ ᤔᤧᤵᤔᤠ ᤕᤠᤱ ᤐᤡᤖᤢᤛᤡᤒᤠ ᤐᤠ᤺ᤴ ᤀᤡᤱᤓᤥᤴ ᤆᤥᤃᤢᤀᤠᤱ ᤘᤠ ॥

ᤔᤡᤰᤜᤠᤱᤒᤠ ᤕᤧᤴ ᤀᤠᤱ ᤁᤏᤠ ᤁᤣᤒᤥᤱᤒᤠ ᤗᤠᤶᤛᤠᤰᤗᤣ ᤆᤥᤃᤢᤸᤗᤧ ᤔᤣᤆᤡ ᤜᤠᤱᤗᤠᤶ, ᤋᤔᤥᤷ ᤁᤖᤡᤍᤥᤖ ᤏᤢ ᤋᤧᤷᤌᤢᤶ ᤁᤣᤒᤥᤱᤒᤠᤷ ᤋᤠᤵᤗᤣᤈᤢᤱ ᤁᤣᤒᤣᤰᤐᤠ ᤗᤠᤶ ᤀᤥ ᤁᤠᤳᤕᤠ᤹ ᤗᤠᤎᤠ᤺ ᤗᤠᤱᤔᤧᤱᤄᤣᤃᤣᤴ ॥ ᤁᤣᤍᤢᤰᤐᤠ ᤁᤣᤃᤢᤒᤠ ᤀᤧᤶᤒᤢᤗᤣᤴᤛ, ᤏᤡᤳᤇᤠᤶᤛᤠ ᤗᤠᤎᤠ᤺, ᤋᤡᤗᤡᤱᤃᤠ ᤗᤠᤎᤠ᤺, ᤔᤥᤋᤷᤛᤠᤀᤡᤁᤸ, ᤆ᤺ᤣ ᤗᤶᤍᤡᤰᤛᤠᤒᤠ, ᤀᤡᤱᤛᤠᤵᤛᤠᤒᤠ ᤗᤠᤎᤠ᤺ ᤏᤢ ᤋᤣᤶᤑᤥ ᤜᤠ᤺ ᤗᤠᤱᤄᤧᤰᤔᤠ ᤔᤣᤄᤥᤒᤠ ᤀᤡᤱᤄᤱ ᤘᤠ ॥