274 पटक हेरिएको 
ᤀᤡᤗᤠᤶ: ᤋᤠᤵᤗᤧᤈᤢᤱᤒᤠ ᤔᤢᤰᤁᤢᤶᤗᤢᤱ ᤋᤣᤴᤀᤥ ᤁᤣᤒᤗᤁᤠᤖ ᤆᤥᤰᤔᤠ ᤔᤣᤏᤢᤏᤣᤴ ᤁᤣᤖᤒᤠ ᤐ᤺ᤖᤢᤵᤐᤡᤸᤗᤧ ᤋᤢᤶᤕᤠ᤺ᤜᤠᤱ ᤋᤠᤰᤑᤠ᤺ᤒᤠ ᤛᤠᤵᤆᤣᤱ ᤐᤥᤱᤔᤠ᤺ ᤁᤣᤒᤥᤱᤒᤠ ᤏᤠ᤺ᤰ ᤕᤢᤰᤂᤢᤀᤠᤱ ᤘᤠ ॥
ᤕᤢᤰᤑᤥᤖᤣᤴ ᤕᤠᤶᤈᤥᤠᤒᤠ᤹ᤏᤢᤒᤠ ᤛᤠᤵᤆᤣᤱᤗᤣ ᤂᤠ᤺ᤛᤣᤱ ᤔᤣᤈᤥᤃᤢᤶᤒᤠ ᤔᤣᤒᤠᤋᤢᤷ ᤋᤢᤶᤕᤠ᤺ᤜᤠᤱ ᤋᤠᤰᤑᤠ᤺ᤒᤠ ᤛᤠᤵᤆᤣᤱ ᤐᤥᤱᤔᤠ᤺ ᤁᤣᤒᤥᤱᤒᤠ ᤏᤠ᤺ᤰ ᤔᤣᤕᤢᤰᤂᤢᤒᤠ᤺ ᤔᤣᤒᤠᤋᤢᤀᤠᤱ ᤘᤠ ॥
ᤋᤣᤏᤣᤒᤠ ᤕᤧᤴ ᤕᤠᤶᤈᤥᤠᤒᤠ ᤋᤠᤰᤑᤠᤒᤠ ᤛᤠᤵᤆᤣᤱ ᤐᤥᤂᤣᤛᤠᤱ ᤂᤠ᤺ᤛᤣᤴ ᤗᤠᤶ ᤔᤣᤗᤋᤢᤶᤒᤠ ᤀᤡᤱᤄᤱ ᤘᤠ ॥ ᤛᤠᤵᤆᤣᤱᤗᤣ ᤂᤠ᤺ᤛᤣᤴ ᤗᤠᤶ ᤔᤣᤗᤋᤢᤴᤏᤠᤱ ᤏᤥ ᤁᤣᤒᤢᤗᤁᤠᤖ ᤐᤖᤢᤵᤐᤡᤸᤗᤣ ᤑᤥᤖᤠᤒᤠ ᤕᤧᤴ ᤁᤢ᤺ᤈᤰ ᤌᤰᤛᤠᤱᤗᤧᤴ ᤋᤱᤃᤠᤶ ᤀᤡᤱᤓᤥᤴ ᤔᤣᤈᤥᤃᤢᤒᤠ ᤔᤣᤒᤠᤋᤢ ᤀᤠᤱ ᤘᤠ ॥
ᤕᤢᤴᤇᤡᤰ ᤏᤣᤁᤐᤠ ᤀᤣᤔᤠᤗᤣᤒᤠ ᤕᤥᤛᤢᤐᤠᤱᤔᤡ ᤕᤥᤃᤣᤛ ᤓᤳᤋᤖᤠᤀᤡᤖᤣ ᤁᤣᤒᤗᤁᤠᤖ ᤆᤥᤰᤔᤠᤖᤣ ᤐᤠ᤺ᤴᤍᤠᤀᤥ ᤏᤥ ᤁᤣᤒᤢᤗᤁᤠᤖ ᤐᤖᤢᤵ ᤏᤢ ᤕᤣᤜᤡᤶ ᤋᤢᤶᤕᤠᤜᤠᤱᤗᤣ ᤛᤠᤵᤆᤣᤱ ᤆᤥᤃᤢᤒᤠ ᤌᤠᤀᤡᤱ ᤆᤥᤃᤢᤀᤠᤱ ᤘᤠ ॥ ᤜᤢ᤺ᤏᤣ ᤑᤥᤖᤠᤒᤠ ᤕᤣᤴ ᤕᤢᤴᤇᤡᤰ ᥌ ᤁᤢᤔᤢᤰ ᤋᤢᤶᤕᤠᤜᤠᤱ ᤜᤡᤶᤔᤣᤀᤥ ᤛᤠᤵᤆᤣᤱ ᤐᤥᤱᤒᤠ ᤌᤠᤀᤡᤱ ᤆᤥᤃᤢᤀᤠᤱ ᤘᤠ ॥
ᤔᤢᤰᤁᤢᤶᤗᤢᤱ ᤋᤣᤴᤀᤥ ᤁᤣᤒᤗᤁᤠᤖ ᤆᤥᤰᤔᤠ ᤔᤣᤏᤢᤏᤣᤴ ᤗᤖᤡᤰ ᤌᤰᤛᤠᤱ ᤆᤥᤰᤏᤢ ᤁᤣᤕᤠᤰᤐᤠ ᤐ᤺ᤖᤢᤵᤐᤡᤸᤗᤧ ᤀᤠᤱ ᤋᤢᤶᤕᤠ᤺ᤜᤠᤱ ᤋᤠᤰᤑᤠ᤹᤺ᤒᤠ ᤛᤠᤵᤆᤣᤱ ᤆᤥᤃᤢᤒᤠ ᤀᤡᤱᤓᤥᤴ ᤆᤥᤃᤢᤀᤠᤱ ᤘᤠ ॥
ᤁᤴᤏᤢᤸᤗᤣ ᤋᤃᤡ ᤁ᤺ᤰᤑᤣᤰᤘᤠ ᥈᥈ ᤕᤧᤴᤀᤥ ᤐᤥᤂᤣᤒᤠ ᤛᤠᤵᤆᤣᤱ ᤀᤥ ᤁᤣᤒᤗᤁᤠᤖᤣ ᤐᤠ᤺ᤴᤍᤠᤀᤥ ᤁ᤺ᤰᤑᤣᤰᤘᤠ ᥈᥍ ᤕᤧᤴᤒᤠ ᤛᤠᤵᤆᤣᤱᤀᤥ ᤁᤢᤈᤰ ᤐᤠ᤺ᤴᤌᤱ ᤐᤥᤱᤒᤠ ᤔᤣᤒᤠᤋᤢᤀᤠᤱ ᤘᤕᤣ ॥
ᤔᤢᤰᤁᤢᤶᤗᤢᤱ ᤋᤠ᤺ᤛᤧᤵ ᤆᤢᤶᤓᤥ ᤏᤢ ᤔᤢᤰᤁᤢᤶᤗᤢᤱ ᤛᤶᤖᤰᤇᤩᤏ ᤀᤴᤋᤷᤍᤗᤡᤕ ᤛᤱᤄᤷᤛ ᤛᤔᤡᤋᤡᤜᤠ᤹᤺ ᤔᤢᤰᤁᤢᤶᤗᤢᤱ ᤔᤠᤱᤜᤡᤶᤔᤧ᤹ᤀᤥ ᤁᤣᤒᤗᤁᤠᤖ ᤗᤥᤔᤠ(ᤂᤧᤖᤥᤳᤋᤡ) ᤆᤥᤰᤔᤠ ᤏᤠ᤺ᤰ ᤕᤢᤰᤂᤢᤀᤠᤱ ᤌᤰᤛᤠᤱ ᤆᤥᤰᤏᤢ ᤘᤠ᤹ᤛᤡ ॥
