131 पटक हेरिएको 
ᤀᤡᤗᤠᤶ: ᤁᤡᤖᤠᤋ᤻ ᤛᤡᤖᤡ᤺ᤈᤱᤃᤠ ᤛᤰ ᤗᤠᤶᤒᤠ ᤕᤠᤰᤌᤢᤱ ᤐᤠ᤺ᤴᤏᤡᤴ ᤔᤠᤱᤛᤣᤒᤢᤱ ᤐᤠᤱᤓᤧᤗᤢᤱᤖᤣᤴ ᤕᤢᤰᤑᤥ ᤐᤠ᤺ᤴ ᤐᤥᤱᤒᤠ ᤐᤥᤂᤣ ᤀᤠᤱ ᤘᤠ᤺ ॥
ᤔᤠᤱᤛᤣᤒᤢᤱᤒᤠ ᤕ᤺ᤰ ᤂᤰᤋᤠᤱᤗᤣ ᤀᤥᤃᤠᤵ ᤔᤣᤈᤥᤃᤢᤒᤠ ᤁᤡᤖᤠᤋ᤻ ᤛᤡᤖᤡ᤺ᤈᤱᤃᤠ ᤛᤰᤀᤥ ᤁᤣᤛᤠᤵᤛᤡᤱᤒᤠ ᤕᤠᤰᤌᤢᤱ ᤐᤠ᤺ᤴᤏᤡᤴ ᤕᤢᤰᤑᤥᤒᤠ ᤕᤠᤶᤒᤰᤐᤠ᤺ᤴ ᤆᤥᤰᤔᤠ ᤔᤧᤀᤡᤋᤢᤒᤠ᤺ ᤐᤠᤱᤓᤣᤗᤢᤱ ᤌᤥᤛᤢᤍᤡᤶᤒᤠ ᤜᤣᤔᤴᤋ ᤖᤠᤀᤡᤖᤣ ᤌᤠᤀᤡᤱ ᤆᤥᤃᤢᤀᤠᤱ ᤘᤠ᤺ ॥
ᤐᤠᤱᤓᤣᤗᤢᤅᤡᤸᤗᤧ ᤕᤠᤰᤌᤢᤱ ᤐᤠ᤺ᤴ ᤀᤥᤃᤠᤵ ᤆᤥᤰᤔᤠ ᤕᤠᤶᤒᤰᤀᤥ ᤑᤠ᤺ᤛᤡᤱᤁᤧᤃᤣᤵᤐᤠ ᤕᤠᤃᤠᤵᤛᤡᤒᤠ᤺ ᤕᤠᤶᤈᤠᤱᤘᤠ ᤕᤢᤰᤋᤡᤱ ᤺᤺ᤆᤥᤃᤢ ᤛᤢᤖᤢᤀᤠᤱ ᤘᤠ᤺ ॥
ᤓᤠᤛᤠ, ᤛᤛ᤻ᤁᤪᤡᤋᤡ ᤖ ᤗᤗᤡᤋᤁᤗᤠ ᤛᤶᤖᤰᤇᤕᤴ ᤖ ᤒᤡᤁᤠᤛ ᤁᤠᤷᤕᤠᤴᤘᤕᤴ ᤏᤡᤷᤍᤣᤛᤡᤁᤠ ᥈᥆᥍᥋ ᤏᤢ ᤔᤠᤱᤛᤣᤒᤢᤱ ᤃᤠᤀᤢᤐᤠᤗᤡᤁᤠᤔᤠ ᤁᤖᤠᤖᤔᤠ ᤐᤪᤠᤒᤡᤎᤡᤰ ᤁᤷᤔᤆᤠᤖᤡ ᤒᤩᤣᤛ᤻ᤌᤠᤐᤴ ᤃᤷᤏᤣ ᤁᤠᤷᤕᤒᤡᤎᤡ ᥈᥆᥍᥊ ᤀᤡᤛᤡᤰ ᤕᤠᤰᤌᤢᤱ ᤐᤠ᤺ᤴ ᤀᤥᤃᤠᤵ ᤆᤥᤰᤔᤠ ᤕᤠᤶᤒᤰᤀᤥ ᤑᤠ᤺ᤛᤡᤱᤁᤧᤃᤣᤵᤐᤠ ᤕᤠᤶᤈᤠᤱᤘᤠ᤺ ᤕᤢᤰᤋᤡᤱ ᤺᤺ᤆᤥᤃᤢᤒᤠ ᤕᤰᤋᤢᤶᤒᤠ ᤕᤠᤶᤒᤰᤋᤠᤱᤒᤠ ᤍᤡᤗᤛᤣᤖ ᤖᤠᤠᤀᤡᤖᤣ ᤌᤠᤠᤀᤡᤱ ᤆᤥᤃᤢ ॥
ᤏᤣᤐᤠᤸᤀᤥ ᤀᤣ ᤌᤡᤰᤛᤡᤃᤣᤰᤐᤠ᤺ ᤜᤣᤰᤛᤡᤱ ᤆᤥᤃᤢᤒᤠ ᤐᤠᤱᤓᤣᤗᤢᤅᤡᤸᤗᤣ ᤕᤢᤰᤑᤥᤒᤠ ᤕᤠᤶᤒᤸ ᤆᤥ᤺ᤰ ᤕᤠᤰᤌᤢᤱ ᤐᤠ᤺ᤴᤏᤡᤴ ᤛᤱᤈᤢᤶᤋᤥᤴ ᤆᤥᤰᤔᤠ᤺ ᤀᤡᤱᤓᤥᤴ ᤌᤡᤶᤒᤣᤀᤠᤱ ᤆᤥᤃᤢᤒᤠ᤺ ᤌᤠᤀᤡᤱ ᤔᤣᤈᤥᤃᤢ ᤀᤠᤱ ᤘᤠ᤺ ॥
ᤐᤠᤱᤓᤣᤗᤢᤱᤖᤣᤴ ᤑᤥᤈᤢᤶ ᤏᤢ ᤋᤱᤈᤣᤶᤒᤠ᤹ᤀᤥ ᤀᤣ ᤔᤧᤃᤠᤶᤛᤢ ᤀᤠᤱ ᤕᤢᤰᤋᤡᤱ ᤔᤧᤈᤥᤃᤢᤒᤠ ᤕᤠᤃᤠᤵᤛᤡᤒᤠᤰᤗᤣ ᤐᤠ᤺ᤴ ᤀᤥᤃᤠᤵ ᤆᤥᤰᤔᤠ ᤕᤠᤶᤒᤰᤀᤥ ᤕᤠᤰᤌᤢᤱ ᤏᤢ ᤏᤣᤐᤠᤗᤡ ᤏᤧᤰᤑᤠ᤺ᤱ ᤐᤠ᤺ᤴᤍᤠᤱ ᤐᤠ᤺ᤴ ᤗᤧᤱᤔᤠ᤺ ᤕᤠᤶᤒᤰ ᤆᤥᤃᤢ ॥
ᤕᤠᤰᤌᤢᤱ ᤐᤠ᤺ᤴ ᤁᤣᤒᤠᤵᤐᤠ᤺ ᤕᤸᤗᤡᤰ ᤔᤧᤘᤠᤒᤠ ᤏᤠᤶᤓᤧᤀᤥ ᤔᤠᤱᤛᤣᤒᤢᤱᤖᤣ ᥈᥆᥍᥋ ᤋᤱᤒᤣ ᤛᤣᤴᤇᤧᤪᤗᤠ ᥇᥉ ᤕᤧᤴ ᤕᤰᤗᤸ ᤂᤠᤋᤡᤋ᤻ ᥋ ᤒᤠ ᤛᤢᤜᤠᤱᤕᤢᤰᤀᤥ ᤕᤰᤌᤢᤱ ᤐᤠ᤺ᤴᤏᤡᤴ ᤕᤠᤶᤒᤰ ᤆᤥᤰᤐᤠ᤺ᤴ ᤔᤧᤈᤥᤃᤢ ᤀᤠᤠᤱ ᤘᤕᤧ᤺ ॥ ᤂᤧᤀᤥ ᥈᥆᥍᥌ ᤋᤱᤒᤣ ᤀᤥᤛᤠ᤺ ᤗᤳᤌᤡᤰ ᤐᤠ᤺ᤴᤗᤧᤱ ᤕᤠ᤺ᤃᤠᤰᤛᤡᤒᤠ᤺ ᤕᤢᤰᤋᤡᤱ ᤔᤧᤈᤥᤃᤢ ᤀᤠᤠᤱ ᤘᤕᤧ᤺ ॥
ᤕᤠᤰᤐᤠᤱᤃ᤺ᤣᤴ ᤂᤰᤋᤠᤱ ᥈᥆᥍᥎ ᤒᤠ ᤂᤠᤏᤡᤴ ᤀᤡᤛᤡᤰ ᥇᥌ ᤜᤣᤴᤇᤡᤱ ᥎ ᤁᤡᤵ ᥇᥆ ᤀᤥ ᥊᥈ ᤋᤵᤐᤥᤘᤠ ᥎᥉ ᤐᤡ᤺ᤈᤣᤐ᤻ ᤕᤠᤰᤌᤡᤱᤒᤠ ᤏᤢ ᥉᥉ ᤋᤵᤐᤥᤘᤠ ᥌ ᤐᤡ᤺ᤈᤣᤐ᤻ ᤖᤠᤀᤡ ᤛᤢᤘᤠᤱᤜᤠ᤹ ᤔᤧᤕᤢᤱ ॥
ᤁᤵᤑᤢ ᤌᤡᤰ ᤕᤢᤰᤑᤥᤖᤣ ᤀᤠᤱ ᤕᤠᤰᤌᤢᤱ ᤗᤡᤶᤒᤢ ᤏᤢ ᤔᤤᤌᤡᤗᤡ ᤐᤠ᤺ᤴᤏᤡᤴ ᤕᤢᤰᤑᤥ ᤕᤠᤶᤒᤰ ᤆᤥᤰᤐᤠ᤺ᤴ ᤆᤥᤰᤔᤠ᤺ ᤀᤥᤃᤠᤵᤆᤥᤰᤕᤶ ᤀᤥ ᤋᤠᤵᤔᤠ ᤕᤠᤖᤡᤵ ᤆᤥᤃᤢᤷ ᤕᤠᤰᤐᤠ ᤔᤧᤒᤠᤋᤢ ᤀᤠᤱ ᤘᤠ᤺ ॥
