ᤌᤡᤰᤛᤡᤃᤧᤰᤐᤠ᤺ ᤕᤠᤰᤌᤢᤱ ᤛᤕᤱ ᤆᤢᤶᤗᤢᤱ ᤏᤢ ᤐᤠ᤺ᤴᤌᤱ ᤋᤱᤃᤠᤶ ᤛᤡᤛ᤺ᤣᤰᤖᤥ ᤗᤠ᤺ ᥉ ᤏᤢ ᥊ ᤕᤧᤴ ᤀᤡᤗᤠᤶ ᤐᤠᤱᤈᤢᤶ ᤀᤥ ᤐᤥᤱᤒᤠ

ᤀᤡᤗᤠᤶ: ᤕᤠᤰᤌᤢᤱ ᤛᤕᤱᤗᤧ᤺ᤴ ᤀᤡᤗᤠᤶ ᤆᤢᤶᤗᤢᤱ ᤛᤡᤛ᤺ᤣᤰᤖᤥ ᤗᤠ᤺ ᥉ ᤏᤢ ᥊ ᤕᤧᤴ ᤀᤡᤗᤠᤶ ᤐᤠᤱᤈᤢᤶ ᤀᤥ ᤐᤥᤱᤒᤠ ᤐᤥᤂᤣ ᤀᤠᤱᤘᤠ᤺ ॥

ᤗᤡᤶᤒᤢ ᤌᤷᤃᤋ᤻ ᤛᤛ᤻ᤌᤠ᤺ (ᤕᤠᤰᤌᤢᤱ ᤛᤕ᤺ᤱ) ᤛᤜᤈᤡᤁᤖᤏ ᤛᤔᤢᤜ ᤑᤠᤰᤑᤥᤰᤕᤢᤶ ᤀᤡᤗᤠᤶᤖᤣ ᤆᤥᤃᤢᤒᤠ ᤌᤡᤸᤛᤡᤃᤧᤰᤐᤠ᤺ ᤀᤡᤗᤠᤶ ᤆᤢᤶᤗᤢᤱ ᤏᤢ ᤛᤡᤃᤠ᤺ᤱᤒᤠ ᤐᤠ᤺ᤴᤌᤱ ᤆᤥᤰᤔᤠ ᤀᤡᤳᤋᤢᤒᤠ᤺ ᤔᤣᤒᤠᤋᤢ ᤀᤠᤱᤘᤠ᤺ ॥

‘ᤀᤠᤏᤡᤖᤣᤴ ᤛᤠᤵᤔᤢᤴᤎᤢᤶᤔᤡᤒᤠ ᤗᤠ᤺᤺᤺ᤈᤣᤗᤧᤴ ᤋ᤺ᤰ ᤕᤠᤶᤒᤰ ᤀᤥ ᤀᤠᤏᤡᤖᤣᤴᤏᤣ ᤜᤠᤱᤃᤣᤶ ᤏᤢ ᤀᤡᤳᤕᤱ’ ᤔᤢᤰᤐᤠ᤺ᤴᤏᤢᤒᤠ ᤆᤢᤶᤗᤢᤱᤀᤥ ᤌᤠᤰᤕᤢᤌᤡᤶᤒᤠ᤺ ᤗᤠ᤺ᤈᤣ ᤏᤢ ᤆᤢᤶᤓᤥ ᤖᤣᤴ ᤐᤠᤴᤒᤠ ᤀᤥ ᤐᤠ᤺ᤴᤌᤱ ᤐᤥᤱᤒᤠ ᤋᤱᤃᤠᤶ ᤋᤱᤜᤡᤒᤠ ᤓᤢᤔᤡᤁᤠ ᤑᤡᤕᤰ ᤗᤡᤶᤒᤢᤖᤣ ᤌᤠᤀᤡᤱ ᤆᤥᤃᤢ ॥

ᤀᤡᤗᤠᤶ ᤁᤣᤕᤢᤱᤒᤠ ᤕᤠᤰᤌᤢᤱᤒᤠᤜᤠ᤺ᤖᤣᤴ ᤁᤠᤰ ᤌᤥᤍᤡᤶᤀᤥ ᤆᤢᤶᤓᤥᤍᤡᤶᤒᤠ ᤏᤠᤶᤓᤧ ᤁᤣᤈᤥᤰᤐᤠ᤺ ᤐᤠ᤺ᤴᤌᤱ ᤋᤱᤃᤠᤶᤖᤧ ᤛᤢᤘᤠᤱ ᤛᤡᤃᤠᤱᤒᤠ᤺ ᤗᤠ᤺ᤈᤣ ᤌᤥᤍᤡᤶ, ᤐᤠ᤺ᤴ, ᤛᤠᤵᤛᤰ, ᤛᤠᤰᤌᤡᤶᤔᤡᤒᤠ ᤆᤥᤰᤌᤡᤶ ᤀᤥ ᤁᤣᤘᤠᤒᤠ ᤕᤢᤰᤗᤠ᤺ᤈᤣ ᤕᤠᤱᤏᤡᤶᤒᤢᤱ, ᤋᤠᤶᤓᤢᤱ, ᤀᤡᤵᤐᤢᤱᤋᤧᤴ, ᤔᤠᤱᤃᤧᤴᤏᤠ ᤕ᤺ᤰ, ᤔᤢᤶᤎᤢᤶᤔᤡᤒᤠ ᤋᤧᤴ ᤗᤠ᤺ᤈᤣ ᤋᤠᤱᤛᤧᤵ ᤏᤢ ᤌᤥᤍᤡᤶ ᤆᤥᤰᤁᤡ ᤁᤵᤕᤠᤰᤐᤠᤱᤃᤣᤒᤠ᤺ ᤁᤢᤓᤠ᤺ᤱᤀᤡᤛᤡᤰᤐᤠ ᤌᤠᤰᤕᤢ᤺ᤌᤡᤶᤒᤠ ᤗᤠ᤺ᤈᤣᤀᤡᤴ ᤛᤢᤘᤠᤱ ᤗ᤺ᤰ ᤛᤡᤃᤠ᤺ᤱᤒᤠ ᤕᤢᤰᤛᤡᤱ ᤆᤥᤃᤢᤒᤠ ᤐᤠ᤺ᤴ ᤘᤠ᤺ ॥ ᤒᤠ᤺ᤄᤴᤏᤢ ᤛᤥᤖᤡᤰ ᤔᤠᤔᤠ᤺ ᤁᤣᤀᤡᤵᤐᤠ᤺ ᤕᤠᤰᤌᤢᤱᤒᤠ ᤌᤠᤰᤕᤢᤌᤡᤶᤒᤠ ᤆᤢᤶᤓᤥ ᤌᤥᤍᤡᤶ ᤆᤥᤰᤁᤡ ᤕᤠᤰᤌᤢᤱ ᤛᤢᤘᤠᤱ ᤁᤣᤕᤢᤱᤒᤠ ᤋᤧᤴ ᤀᤥ ᤕᤢᤰᤛᤡᤱ ᤕᤠᤰᤒᤰ ᤆᤥᤰᤁᤡ ᤂᤧᤸᤗᤧᤴ ᤂᤠ᤺ᤛᤧᤴ ᤏᤢ ᤕᤢᤰᤌᤡᤶ ᤁᤢᤏᤠ ᤁᤢᤒᤣᤰ ᤀᤥ ᤔᤢᤰᤑᤥ ᤑᤥᤛᤡᤱ ᤁᤧᤳᤋᤢᤒᤠ᤺ ᤏᤛᤠᤴ ᤔᤧᤈᤥᤃᤢᤀᤠᤱ ᤘᤠ᤺ ॥

ᤐᤠ᤺ᤴᤌᤱ ᤋᤱᤃᤠᤶᤀᤥ ᥈ ᤍᤷᤈᤴ ᤕᤸᤗᤡᤰ ᤕᤠᤰᤌᤢᤱ ᤛᤡᤘᤠᤱ ᤆᤢᤶᤓᤥᤒᤠ᤺ ᤐᤠ᤺ᤱᤔᤡᤜᤠ᤹ ᤗᤰ ᤔᤧᤗᤥᤒᤠ ᤔᤧᤒᤠᤋᤢᤀᤠᤱ ᤘᤠ᤺ ॥

ᤋᤱᤃᤠᤶᤀᤥ ᤑᤥᤕᤠᤰ, ᤀᤡᤔᤧᤜᤠᤱ, ᤑᤋᤪ, ᤌᤥᤰᤔᤡᤜᤠᤱ, ᤆᤡᤗᤡᤰᤆᤶ, ᤗᤰᤋᤠᤶ, ᤗᤰᤛᤠᤶ, ᤗᤰᤛᤶᤒᤠ, ᤗᤡᤱᤍᤶ, ᤌᤣᤒᤣ, ᤂᤠᤐᤢᤱ, ᤑᤠᤃᤥ/ᤘᤏᤧᤶ, ᤗᤥᤖᤡᤱᤍᤧᤴ, ᤛᤠᤶᤒᤠ, ᤕᤥᤱᤜᤠᤱ, ᤁᤣᤖᤢᤱ, ᤔᤷ/ᤕᤧᤰᤋᤣᤶ, ᤐᤋᤪᤣ, ᤗᤠᤘᤋᤡ, ᤏᤣᤶᤒᤠᤱ, ᤀᤃᤢᤒᤠ, ᤗᤡᤱᤍᤧᤴ, ᤂᤠᤶᤍᤠᤰ, ᤛᤱᤒᤠᤱᤑᤣ, ᤌᤰᤔᤢᤜᤠᤱ, ᤈᤒᤣᤃᤢ/ᤌᤣᤃᤡᤶ, ᤛᤥᤱᤔᤡ, ᤔᤠᤒᤥᤜᤠᤱ ᤏᤢ ᤘᤍᤥᤜᤠᤱ ᤛᤢᤘᤠᤱᤜᤠ᤺ ᤗᤰᤗᤥᤛᤧ ᤔᤧᤀᤢᤳᤋᤢᤛᤡᤒᤠ ᤔᤧᤒᤠᤋᤢᤀᤠᤱ ᤘᤠ᤺ ॥