215 पटक हेरिएको 
ᤀᤡᤗᤠᤶ: ᤔᤢᤰᤁᤢᤶᤗᤢᤱ ᤋᤠ᤺ᤛᤧᤵ ᤆᤢᤶᤓᤥ ᤏᤢ ᤔᤢᤰᤁᤢᤶᤗᤢᤱ ᤛᤶᤖᤰᤇᤩᤏ ᤀᤴᤋᤷᤍᤗᤡᤕ ᤛᤱᤄᤷᤛ ᤛᤔᤡᤋᤡᤸᤗᤣ ᥏ ᤌᤢᤶ(ᤗᤡᤱᤒᤢᤘᤠᤴ) ᤆᤡᤛᤠ᤺ᤰ ᤀᤡᤱᤓᤥᤴ ᤆᤥᤃᤣᤛᤢ ᤀᤠᤱ ᤘᤠ ॥
ᤔᤢᤰᤁᤢᤶᤗᤢᤱ ᤔᤠᤱᤜᤡᤶᤔᤧ᤹ᤀᤥ ᤁᤣᤒᤗᤁᤠᤖ ᤗᤥᤔᤠ(ᤂᤧᤖᤥᤳᤋᤡ) ᤆᤥᤰᤔᤠ ᤏᤠ᤺ᤰ ᤕᤢᤰᤂᤢᤷ ᤆᤡᤛᤠ᤺ᤰ ᤀᤡᤱᤓᤥᤴ ᤆᤥᤃᤢ᤹ᤒᤠ ᤖᤥ ॥
ᤏᤠᤶᤈᤠᤱᤃ᤺ᤣ (ᤁᤠ᤺ᤑ᤻ᤗᤣᤐᤠ᤺ᤋᤡ) ᤀᤥ᤹ᤒᤠ ᤛ᤺ᤛ᤻ᤋᤪ ᤏᤢ ᤈ᤺ᤏᤐᤌ ᤋᤡᤗᤡᤱᤃᤠᤜᤠ᤹ ᤏᤢᤰᤔᤠ᤺ᤛᤡ ᤁᤣᤒᤥᤱᤒᤠ ॥ ᤁᤥᤖᤠᤰᤖᤣ ᤕᤠᤱᤄᤢ᤹ᤛᤡᤱ ᤁᤣᤃᤠᤶᤒᤠᤜᤠ᤹ ᤜ᤺ᤡᤱ᤺ᤜ᤺ᤡᤱ ᤆᤥᤰᤔᤠ ᤆᤠᤔᤠ᤺ ᤁᤶᤐᤏᤡ ᤀᤡᤈᤠᤰᤛᤠᤒᤠ ᤆᤴᤍᤪ ᤎᤁᤠᤸᤖᤣ ᤋᤱᤔᤠ᤹ᤐᤡᤔᤠ ᤁᤣᤒᤥᤒᤠ ᤛᤈᤢᤶᤖᤣ ᤏᤠ᤺ᤰ ᤕᤢᤰᤂᤢᤀᤠᤱ ᤘᤠ ॥
ᤌᤰᤛᤠᤱ ᤕᤧᤶ ᤀᤥ ᤔᤣᤍᤧᤶᤛᤢᤛᤡᤒᤠ ᤐᤪᤍᤡᤵ ᤔᤠᤍᤣᤴ, ᤆᤴᤍᤪᤛᤠᤃᤷ ᤗᤡᤴᤒᤢ ᤏᤢ ᤗᤰᤇ᤻ᤔᤴ ᤗᤡᤴᤒᤢᤜᤠ᤹ ᤌᤣᤀᤠᤱ ᤔᤠᤱᤗᤥᤱ ᤔᤠ᤺ᤀᤣ ᤗᤣᤵᤔᤠ ᤐ᤺ᤡᤔᤠ ᤁᤣᤒᤥᤱᤒᤠ ᤔᤧᤒᤠᤋᤢᤀᤠᤱ ᤘᤠ ॥
ᤁ᤺ᤰᤑᤣᤰᤘᤠ ᥇᥏ ᤕᤣᤴ ᤜᤠᤶᤒᤪᤡᤰᤐᤠ ᤀᤡᤱᤓᤥᤴ ᤁᤣᤒᤥᤱᤒᤠ ᤋᤠᤵᤗᤣᤈᤢᤱ ᤁᤣᤒᤣᤰᤐᤠ᤺ ᤜᤠᤱᤗᤠᤶ ᤆᤡᤛᤠ᤺ᤰ ᤔᤧᤴᤜᤴᤏᤣ ᤘᤠᤒᤠ ᤌᤠ᤹ᤀᤡᤱ ᤆᤥᤃᤢ ᤀᤠᤱ ᤘᤠ ॥ ᤁᤶᤕᤠᤰᤗᤣ ᤀᤠᤱ ᤏᤠᤰ ᤐᤥᤎᤰ ᤔᤣᤒᤥᤱᤏᤣᤱᤃᤖ ᤁ᤺ᤰᤑᤣᤰᤘᤠ ᥈᥆ ᤋᤣᤏᤣᤒᤠ ᤕᤧᤴ ᤏᤠ᤺ ᤆᤴᤍᤪ ᤎᤁᤠᤸᤖᤣᤴ ᤃ᤻ᤗᤥᤒᤠ ᤀᤠᤠᤀᤡᤀᤣᤶᤀᤡ ᤒᤤᤰᤁᤣᤴ ᤕᤠᤶᤒᤰ ᤆᤥᤰ ᤔᤣᤶᤒᤠᤅᤣ ᤆᤡᤛᤠ᤺ᤰ ᤔᤣᤈᤥᤃᤢᤒᤠ ᤔᤣᤒᤠᤋᤢ᤹ᤀᤠᤱ ᤘᤠ ॥
ᤁ᤺ᤰᤑᤣᤰᤘᤠ ᥈᥆ ᤋᤣᤏᤣᤒᤠ ᤕᤧᤴ ᤏᤢ ᥈᥇ ᤕᤣᤴ ᤑᤥᤖᤠᤒᤠ ᤕᤣᤴ ᥏ ᤌᤢᤶ(ᤗᤡᤱᤒᤢᤘᤠᤴ) ᤆᤡᤛᤠ᤺ᤰ ᤀᤡᤱᤓᤥᤴ ᤆᤥᤃᤢᤒᤠ ᤀᤡᤱᤛᤠᤵᤋᤥᤴ ᤀᤥ ᤌᤠᤀᤡᤱ ᤆᤥᤃᤢᤀᤠᤱ ᤘᤠ ॥
ᤆᤡᤛᤠ᤺ᤰ ᤆᤥᤃᤢᤠᤒᤠ ᤌᤢᤶᤜᤠ᤹ᤀᤥ ᤋᤠᤵᤗᤣᤈᤢᤱ, ᤐᤠᤴᤌᤷ, ᤀᤡᤗᤠᤶ, ᤇᤠ᤹ᤐᤠ᤺, ᤔᤥᤖᤱ, ᤛᤢᤴᤛᤖᤡ, ᤎᤴᤁᤢᤋᤠ, ᤋᤧᤷᤌᤢᤶ ᤏᤢ ᤛᤱᤂᤢᤘᤠᤛᤓᤠ ᤔᤣᤘᤠ ॥
ᤂᤧᤴ ᤕᤧᤶᤜᤠ᤺ᤶᤒᤪᤡᤰᤛᤠᤱ ᤏᤠ᤺ᤰ ᤐᤥᤎᤰ ᤔᤧᤒᤥᤱᤏᤣᤱᤃᤷ ᥈᥈ ᤕᤣᤴ ᤀᤠᤱ ᤏᤠ᤺ ᤗᤠ᤺ᤶᤔᤡᤰ ᤔᤠᤀᤣᤒᤠ ᤁᤠ᤺ᤰ ᤆᤡᤛᤠ᤺ᤰ ᤐᤥᤱᤒᤠ ᤌᤠᤀᤡᤱ ᤔᤧᤆᤥᤃᤢᤀᤠᤱ ᤘᤠ ॥
ᤔᤢᤰᤁᤢᤶᤗᤢᤱ ᤘᤣ᤹ᤜᤠᤱᤌᤡᤶ ᤋᤠᤱᤛᤧᤵ ᤌᤰᤛᤠᤱ ᤛᤈᤢᤶᤒᤠ᤹ ᤖᤠᤛ᤻ᤋᤡᤕ ᤔᤢᤰᤋᤡ ᤐᤠ᤺ᤋᤡᤒᤠ ᤌᤥᤛᤢᤍᤡᤶᤒᤠ ᤖᤠᤈᤣᤴᤍᤪ ᤔᤜᤋᤥ, ᤛᤱᤄᤡᤕ ᤗᤥᤁᤋᤠᤴᤋᤪᤡᤰ ᤖᤠᤛ᤻ᤋᤡᤕ ᤔᤴᤆ᤹ᤒᤠ ᤌᤥᤛᤢᤍᤡᤶᤒᤠ ᤁᤢᤔᤠᤷ ᤗᤡᤱᤍᤣᤴ ᤔᤡᤖᤠᤰ, ᤐᤜᤡᤆᤠᤴᤒᤠᤍᤡ ᤔᤥᤷᤆᤠᤒᤠ ᤛᤶᤕᤥᤈᤰ ᤍᤠᤰᤋᤷ ᤔᤜᤣᤴᤍᤪ ᤗᤠᤘᤋᤡ, ᤈᤛᤐᤠ ᤏᤣᤐᤠᤸ ᤗᤡᤶᤒᤢᤘᤠᤴ ᤖᤠᤛ᤻ᤋᤡᤕ ᤛᤔᤡᤋᤡ ᤋᤢᤶ ᤛᤢ᤺ᤜᤠᤱᤔᤡᤒᤠ ᤛᤴᤈᤕ ᤖᤠᤀᤡ, ᤈᤛᤐᤠᤒᤠ ᤁᤡᤖᤠᤋ᤻ ᤖᤠᤛ᤻ᤋᤪᤡᤕ ᤛᤔᤡᤋᤡᤒᤠ ᤌᤥᤛᤢᤛᤡᤶᤒᤠ ᤖᤔᤣᤛ ᤖᤠᤀᤡ, ᤐᤪᤍᤣᤛ ᤏᤴ ᥇ ᤏᤠᤃᤖᤡᤰ ᤀᤢᤴᤔᤢᤰᤋᤡ ᤐᤠ᤺ᤋᤡ ᤒᤠ ᤌᤥᤛᤢᤍᤡᤶᤒᤠ ᤎᤴ ᤒᤜᤠᤍᤢᤷ ᤐᤴᤎᤠᤰ, ᤏᤣᤐᤠᤸ ᤈᤴᤔᤢᤰᤋᤡ ᤐᤠ᤺ᤋᤡᤒᤠ ᤑᤠᤌᤥᤛᤢᤍᤡᤶᤒᤠ ᤓᤰᤋ ᤂᤣᤒᤠᤱ, ᤐᤪᤍᤣᤛ ᥇ ᤔᤱᤃᤥᤸ ᤏᤣᤛᤏᤸ ᤀᤷᤃᤏᤠᤀᤡᤈᤣᤛᤴᤒᤠ ᤌᤥᤛᤢᤍᤡᤶᤒᤠ ᤏᤕᤴᤍᤪ ᤆᤠᤶᤗᤡᤱ, ᤁᤡᤖᤠᤋ᤻ ᤗᤡᤶᤒᤢᤘᤠᤴ ᤐᤪᤍᤣᤛ ᤛᤔᤡᤋᤡᤒᤠ ᤌᤥᤛᤢᤍᤡᤶᤒᤠ ᤃᤈᤣᤴᤍᤪ ᤐᤠᤗᤢᤱᤘᤠ ᤖᤣ ᤜᤢᤰᤛᤠ᤺ᤵ ᤌᤣᤈᤡ ᤔᤣᤈᤥᤃᤢᤒᤠ ᤀᤡᤱᤛᤰᤋᤥᤴᤀᤥ ᤔᤢᤰᤁᤢᤶᤗᤢᤱᤗᤧᤴ ᤁᤢᤔᤡᤱ ᤀᤥ ᤌᤰᤛᤢᤒᤠ ᤕᤢᤰᤑᤥ ᤗᤣᤵᤔᤠ ᤁᤣᤒᤥᤱᤒᤠ ᤔᤧᤏᤠᤰᤋᤢ ᤀᤠᤱ ᤘᤠ ॥
ᤀᤡᤱᤛᤠᤵᤋᤥᤴ:
