467 पटक हेरिएको 
ᤀᤡᤗᤠᤶ: ᤁᤡᤖᤠᤋ᤻ ᤕᤠᤰᤕᤢᤱ ᤆᤢᤶᤗᤢᤱᤖᤣᤴ ᤕᤠᤰᤐᤠᤱᤃᤣᤴ ᤌᤥᤛᤢᤍᤡᤶᤒᤠ ᤐ᤺ᤪᤣᤶ ᤕᤧᤰᤋᤣᤴᤖᤣ ᤔᤢᤰᤁᤢᤶᤗᤢᤱ ᤋᤣᤴᤀᤥ ᤁᤣᤒᤗᤁᤠᤖ ᤗᤥᤔᤠ᤺ᤀᤣ ᤛᤣᤴᤍᤡᤋᤢᤶᤔᤠᤖᤣᤴ ᤁᤢᤜᤣᤰᤛᤡᤱ ᤕᤠ᤺ᤶᤒᤰ ᤐᤥᤱᤒᤠ ᤐᤠ᤺ᤴ ᤕᤢᤰᤂᤢ ᤀᤠᤱᤘᤠ ॥ ᤔᤧᤒᤥᤱᤏᤣᤱᤃᤖ ᤌᤰᤛᤠ᤺ᤱ ᤕᤠᤶᤔᤥᤀᤠᤱ ᤋ᤺ᤃᤡ ᤐᤥᤒᤠ᤺ ᤛᤠᤶᤍᤡᤱ ᤐᤠ᤺ᤴ ᤆᤥᤃᤢ ᤀᤠᤱᤘᤠ ॥
ᤘᤠᤏᤠᤶ ᤆᤥᤰᤔᤠ᤺ ᤋᤣᤴᤎᤱ ᤕᤧᤶ ᤀᤥ ᤔᤧᤍᤣᤶᤛᤢ᤹ᤛᤡᤒᤠ᤺ ᤌᤰᤛᤠᤱᤛᤠᤒᤠᤜᤠ᤹ ᤔᤣᤗᤣᤖᤢᤛᤡᤛᤠᤱ ᤛᤣᤴᤍᤡᤋᤢᤶᤔᤠ ᤔᤢᤰᤁᤢᤶᤗᤢᤱ ᤋᤣᤴᤀᤥ ᤁᤣᤒᤗᤁᤠᤖ ᤗᤥᤔᤠ᤺ᤀᤣ ᤜᤧᤰᤛᤡᤱ ᤗᤠᤶ ᤁᤣᤒᤥᤱᤒᤠ ᤆ᤺ᤰᤐᤠ᤺ᤴ ᤆᤥᤃᤢ ॥
ᤋᤣᤴᤎᤱ ᤕᤧᤶ ᤀᤥ ᤔᤣᤍᤣᤶᤛᤢᤛᤡᤒᤠ ᥇᥍ ᤕᤠᤵᤔᤡ᤹ᤜᤠ ᤔᤣᤗᤣᤖᤢᤛᤡ ᤀᤠᤱᤘᤠ ॥ ᤛᤡᤴᤛ᤺ᤖᤡ ᤎ᤺ᤖᤠᤴᤏᤢ ᤋᤢᤰᤛᤡ, ᤇᤠ᤺ᤐᤠ ᤍᤔᤰ ᤏᤢ ᤕᤧᤳᤇᤡ ᤕᤠᤵᤔᤡ, ᤋᤠᤵᤗᤡᤈᤥᤱ ᤏᤢ ᤛᤢᤶᤠᤒᤠᤱ ᤔᤣᤗᤣᤖᤢᤛᤡᤒᤠ ᤋᤡᤗᤡᤱᤃᤠᤜᤠ᤹ᤖᤣ ᤌᤠᤀᤡᤱ ᤔᤣᤈᤥᤃᤢ᤹ᤀᤠᤠᤱ ᤘᤠ ॥
ᤌᤢᤶ ᤕᤢᤰᤋᤣᤴ ᤛᤢᤜᤠᤱᤕᤰ ᤋᤠᤵᤗᤢᤈᤥᤱᤖᤣ ᤐ᤺ᤜᤡᤆᤠᤴᤒᤠᤍᤡ ᤔᤥᤷᤆᤠᤒᤠ ᤌᤢᤶ ᤋᤱᤜᤡᤒᤠ ᤐᤪᤍᤡᤵ ᤔᤠᤍᤣᤴ ᥇᥆ ᤜᤣᤴᤇᤡᤱ ᤕᤠᤱᤗᤧᤰᤘᤠ᤹ᤀᤥ ᤗᤣᤖᤢ ॥ ᤆᤴᤍᤪᤛᤠᤃᤷ ᤗᤡᤴᤒᤢ ᤏᤢ ᤗᤰᤇ᤻ᤔᤴ ᤗᤡᤴᤒᤢᤜᤠ᤹ ᥋ ᤜᤣᤴᤇᤡᤱ ᤕᤠᤱᤗᤧᤰᤘᤠ᤹ᤀᤥ ᤗᤣᤖᤢᤛᤡᤒᤠ ᤔᤣᤒᤠ᤺ᤋᤢ ᤀᤠᤱᤘᤠ ॥
ᤇᤠ᤺ᤐᤠ ᤍᤔᤰᤏᤢ ᤐᤍᤶ ᤒᤣᤄᤠ, ᤎᤴᤒᤜᤠᤍᤢᤷ ᤕᤥᤱᤜᤠᤱ, ᤛᤢᤁᤪ ᤗᤡᤶᤒᤢ, ᤀᤠᤍᤡᤳᤕ ᤑᤡᤕᤠᤰ, ᤐᤪᤁᤠᤛ ᤗᤡᤶᤒᤢ, ᤏᤠᤶᤛᤠᤱ ᤗᤡᤶᤒᤢ, ᤛᤴᤍᤣᤛ᤻ ᤗᤡᤶᤒᤢ ᤏᤢ ᤛᤴᤈᤕ ᤋᤠᤈᤐᤢᤖᤡᤕᤠ ᤔᤧᤗᤣᤖᤢᤛᤡ ᤀᤠᤱᤘᤠ ॥
ᤛᤢᤴᤛᤖᤡ ᤎᤖᤠᤴᤏᤢ ᤛᤢᤔᤴ ᤆᤣᤶᤈᤥᤱ, ᤍᤡᤘᤛ ᤖᤠᤀᤡ, ᤛᤖᤡᤗ ᤄᤗᤣ, ᤁᤡᤛᤴ ᤖᤠᤀᤡ, ᤕᤥᤃᤣᤛ ᤋᤠᤔᤠ᤺ᤱ ᤏᤢ ᤛᤴᤍᤡᤐ ᤗᤡᤶᤒᤢ ᤔᤣᤗᤧᤖᤢᤛᤡᤒᤠ ᤌᤰᤛᤠ᤺ᤱ ᤆᤥᤰᤏᤢ ᤁᤣᤕᤠᤰᤐᤠ᤺ ᤐ᤺ᤖᤢᤵᤐᤡᤸᤗᤣ ᤌᤠᤀᤡᤱ ᤆᤥᤃᤢᤀᤠᤱ ᤘᤠ ॥
ᤁᤴᤏᤢᤸᤗᤣ ᤋᤃᤡ ᤁ᤺ᤰᤑᤣᤰᤘᤠ ᥈᥈ ᤕᤧᤴᤀᤥ ᤐᤥᤂᤣᤒᤠ ᤛᤣᤴᤍᤡᤋᤢᤶᤔᤠ᤺ ᤀᤥ ᤁᤣᤒᤗᤁᤠᤖ ᤀᤡᤛ᤻ᤋᤣᤛᤴ ᤀᤠᤱᤌᤥ ᤕᤠᤶᤒᤰ ᤏᤠ᤺ᤕᤢᤱᤔᤠ᤺ ᤁᤣᤒᤥᤱᤒᤠ ॥ ᤁᤴᤗᤧ ᤐᤠ᤺ᤴᤍᤠᤀᤥ ᥈᥆᥎᥇ ᤁ᤺ᤰᤑᤣᤰᤘᤠ ᥈᥍ ᤕᤧᤴ ᤛᤣᤴᤍᤡᤋᤢᤶᤔᤠ᤺ ᤕᤠᤶᤒᤰᤀᤥ ᤁᤢᤈᤰ ᤐᤠ᤺ᤴᤌᤱ ᤆᤥᤰᤔᤠ᤺ ᤁᤣᤒᤥᤱᤒᤠ ᤐᤥᤎᤰ ᤔᤧᤈᤥᤃᤢ ᤀᤠᤱᤘᤠ ॥
ᤋᤣᤴᤍᤡᤱ ᤔᤣᤈᤥᤃᤢᤒᤠ ᤐᤠ᤺ᤴᤍᤱᤀᤥ ᤕᤢᤰᤑᤥᤖᤣ ᤀᤡᤱᤓᤥᤴ ᤆᤥᤃᤢᤒᤠ ᤀᤡᤛᤡᤰ ᤌᤰᤛᤠ᤺ᤀᤥ ᤁᤣᤃᤠ᤺ᤶᤒᤠᤜᤠ᤹ ᤒᤠ᤺ ᤛᤡᤍᤠᤐᤠ᤺ᤱᤍᤠ ᤏᤢ ᤏᤢᤖᤡᤁᤠᤱ ᤕᤠᤶᤈᤡᤰ ᤏᤢᤒᤠ ᤆᤥᤰᤔᤠ᤺ ᤐ᤺ᤡᤔᤠ ᤁᤣᤒᤥᤱᤒᤠ ॥ ᥈᥆᥏᥇ ᤕᤧᤴᤒᤠ ᤜᤡᤴᤎᤥᤰᤗᤣᤴ ᤐᤠ᤺ᤴᤍᤥᤁᤡᤴ ᤛᤠ᤹᤺ᤔᤠᤀᤠᤱ ᤁᤢᤓᤠᤱ ᤀᤡᤛᤡᤰ ᤛᤠᤶᤒᤠᤴ ᤔᤣᤵᤔᤠᤛᤡ ᤁᤣᤒᤥᤱᤒᤠ ॥
ᤌᤰᤛᤠ᤺ᤱ ᤕᤧᤴᤀᤥ ᤔᤣᤍᤣᤶᤛᤢᤛᤡᤀᤠᤱ ᤔᤣᤛᤠᤰᤋᤢᤛᤡᤒᤠᤜᤠ᤺ ᤌᤣᤀᤠᤱ ᤁᤢᤗᤣᤰᤘᤠ ᤔᤣᤴᤏᤣ ᤗᤣᤵᤔᤠ ᤕᤠᤶᤒᤰ ᤜᤣᤰᤔᤠ ᤏᤢ ᤗᤠ᤺ᤶ ᤆᤡᤛᤠ᤺ᤰ ᤗᤣᤶᤔᤠ ᤐᤠ᤺ᤴᤍᤱ ᤐᤥᤂᤣᤀᤠᤱ ᤘᤠ ॥
ᤔᤢᤰᤁᤢᤶᤗᤢᤱ ᤔᤠᤱᤜᤡᤶᤔᤧ᤹ᤀᤥ ᤁᤣᤒᤗᤁᤠᤖ ᤗᤥᤔᤠ(ᤂᤧᤖᤥᤳᤋᤡ) ᤆᤥᤰᤔᤠ ᤏᤠ᤺ᤰ ᤔᤣᤕᤢᤰᤂᤢ ᤀᤠᤱ ᤔᤢᤰᤁᤢᤶᤗᤢᤱ ᤋᤠ᤺ᤛᤧᤵ ᤆᤢᤶᤓᤥ ᤏᤢ ᤔᤢᤰᤁᤢᤶᤗᤢᤱ ᤛᤶᤖᤰᤇᤩᤏ ᤀᤴᤋᤷᤍᤗᤡᤕ ᤛᤱᤄᤷᤛ ᤛᤔᤡᤋᤡᤸᤗᤣ ᥏ ᤌᤢᤶ(ᤗᤡᤱᤒᤢᤘᤠᤴ) ᤆᤡᤛᤠ᤺ᤰ ᤀᤡᤱᤓᤥᤴ ᤔᤣᤆᤥᤃᤣᤛᤢ ᤀᤠᤱ ᤘᤠᤕᤣ ॥
