334 पटक हेरिएको 
ᤀᤡᤗᤠᤶ: ᤕᤢᤰᤛᤡᤱ ᤁᤣᤒᤥᤱᤒᤠ᤺ ᤋᤣᤴᤇᤠᤒᤠ ᤋᤱᤏᤠᤶ ᤖᤥᤐᤠᤀ᤺ᤡ ᤈᤠᤋᤪᤠ ᤀᤡᤗᤠᤶᤒᤠ ᤕᤠᤰᤘᤠ᤹ᤍᤱᤒᤠ ᤋᤣᤴ ᤀᤥ ᤀᤥᤴᤎᤠᤰ ᤐᤥᤂᤣᤀᤠᤱ ᤘᤠ᤺ ॥
ᤋᤱᤒᤣᤎᤰᤔᤠ᤺ ᤀᤥᤴᤎᤠᤰ ᤁᤣᤒᤥᤱᤒᤠ ᤈᤠᤋᤠᤪᤴ ᤀᤡᤗᤠᤶ ᤐᤠᤱᤈᤢᤶ ᤏᤢ ᤛᤥᤖᤡᤰ ᤍᤣᤀᤢᤔᤠᤀᤡᤒᤠ ᤔᤱᤃᤗᤒᤠᤖᤣ ᤐᤠ᤺ᤱᤈᤢᤶ ᤏᤢ ᤏᤘᤔᤡ ᤐᤠᤱᤈᤢᤶᤀᤥ ᤀᤥᤴᤎᤰ ᤔᤣᤈᤥᤃᤢ ॥ ᤒᤠᤜᤣᤰᤁᤣᤖᤡᤰᤁᤣ ᤔᤠᤀᤡ ᤐᤠ᤺ᤱᤕᤰᤗᤢᤱᤒᤠ ᤛᤢᤁᤪᤒᤠᤖᤣ ᤐᤠ᤺ᤱᤈᤢᤶ ᤀᤥ ᤀᤠᤱ ᤀᤥᤴᤎᤠᤰ ᤔᤣᤈᤥᤃᤢ ᤀᤠᤱ ᤘᤠ᤺ ॥
ᤍᤣᤀᤢᤔᤠᤀᤡᤒᤠ᤺ ᤔᤱᤃᤗᤒᤠᤖᤣ ᤐᤠᤱᤈᤢᤶᤀᤥ ᤂᤣᤰᤛᤢᤒᤠ ᤕᤧᤴ ᤓᤠᤏᤢ ᤓᤰᤋ ᤔᤠᤎ᤻ᤕᤔᤡᤰ ᤒᤡᤎ᤻ᤕᤠᤗᤕᤖᤣ ᤁᤢᤗᤠᤶᤗᤥᤒᤠ ᤀᤥ ᤖᤥᤐᤠᤀ᤺ᤡ ᤈᤠᤋᤪᤠ ᤀᤥᤴᤎᤠᤰ ᤐᤡᤂᤣ ॥
ᤏᤣᤐᤠᤶ ᤓᤠᤛᤠ ᤋ᤹ᤕᤠ ᤛᤛ᤻ᤁᤪᤡᤋᤡ ᤛᤔᤠᤈ᤻ ᤖᤣ ᤋᤣᤴᤇᤠᤒᤠ ᤛᤢᤘᤠ᤺ᤱᤗᤣᤴ ᤀᤠᤒᤅᤣ ᤛᤠᤰᤌᤡᤏᤢ ᤛᤥᤖᤡᤰ ᤁᤢᤖᤢᤰᤐᤠ ᤕᤧᤴ ᤖᤥᤐᤠᤀ᤺ᤡ ᤈᤠᤋᤪᤠ ᤀᤥᤴᤎᤠᤰ ᤋᤱᤃᤠᤶ ᤆᤥᤃᤢ ᤀᤠᤱ ᤘᤕ᤺ᤣ ॥
ᤑᤛᤢᤵᤐᤠ ᤕᤧᤴ ᤍᤣᤀᤢᤔᤠᤀᤡ ᤐᤠᤱᤕᤰᤗᤢᤱᤒᤠ ᤈᤡᤋ᤻ᤐᤢᤷ ᤔᤠᤍ᤻ᤕᤔᤡᤰ ᤒᤡᤎ᤻ᤕᤠᤗᤕ ᤖᤣ ᤁᤢᤗᤠᤶᤗᤥᤒᤠ ᤀᤥ ᤏᤘᤔᤡ ᤐᤠᤱᤈᤢᤶᤀᤥ ᤒᤠᤀᤰᤁᤣᤖᤡᤰᤁᤣ ᤔᤠᤀᤡ ᤐᤠᤱᤕᤰᤗᤢᤱᤒᤠ ᤛᤢᤁᤪᤒᤠᤖᤣ ᤐᤠᤱᤈᤢᤶᤀᤥ ᤏᤣᤐᤠᤸ ᤀᤠᤍᤡᤒᤠᤛᤡ ᤈᤴᤈᤠᤋᤡ ᤔᤜᤠᤛᤱ ᤐᤠᤱᤕᤰᤗᤢᤱ ᤕᤰᤆᤢᤰᤖᤣ ᤁᤢᤗᤠᤶᤗᤥᤒᤠ ᤀᤥ ᤀᤥᤴᤎᤠᤰ ᤋᤱᤃᤠᤶ ᤐᤥᤂᤣ ᤀᤠᤱ ᤘᤕᤣ ॥
ᤈᤠᤋᤪᤠᤠᤀᤥ ᤁᤣᤰᤆᤢ ᤁᤣᤎᤥᤱᤒᤠ᤺ ᤐᤒᤡᤳᤗᤠ, ᤋᤣᤴᤇᤠᤒᤠ ᤛᤢᤘᤠᤱᤗᤧᤴ ᤏᤡᤛᤢᤶᤔᤡᤒᤠ ᤀᤡᤗᤠ᤺ᤜᤠ᤹ ᤀᤥᤛᤣᤴᤅ ᤔᤣᤈᤥᤃᤢ ᤀᤠᤱ ᤘᤕᤣ ॥ ᤒᤠᤄᤴᤏᤢ ᤛᤥᤖᤡᤰ ᤕᤠᤰᤌᤢᤱᤒᤠᤜᤠᤖᤣᤴ ᤕᤠ᤺ᤗᤠᤱ ᤏᤢ ᤁᤣᤗᤠ᤺ᤱ ᤀᤡᤗᤠ᤺ ᤀᤠᤱ ᤀᤥᤴᤔᤧᤎᤠᤰᤋᤢᤛᤡ ᤀᤠᤱ ᤘᤕᤧ ॥
ᤐᤠᤩᤛᤡ ᤀᤥ ᤕᤠ᤺ ᤗᤣᤵᤔᤠ ᤛᤢᤵᤔᤠ ᤁᤢᤏᤢᤑᤠᤪᤀᤥ ᤈᤠᤋᤪᤠ᤺ ᤀᤥᤴᤎᤠᤰᤔᤠ ᤌᤠᤰᤕᤢᤌᤡᤶ ᤐᤥᤂᤧᤷ ᤕᤧᤒᤠ᤺ ᤏᤣᤐᤠᤶ ᤓᤠᤛᤠ ᤋ᤹ᤕᤠ ᤛᤛ᤻ᤁᤪᤡᤋᤡ ᤛᤔᤠᤈ᤻ᤒᤠ᤺ ᤌᤥᤛᤢᤍᤡᤶᤒᤠ ᤐᤪᤒᤡᤴ ᤛᤧᤪᤛ᤻ᤌᤖᤧ ᤆᤧᤰᤂᤢ ॥
ᤋᤧᤴᤇᤠᤒᤠ ᤀᤥᤛ᤻ᤘᤖ ᤆᤡᤐᤠᤗᤢᤖᤣ ᤖᤥᤐᤠᤀᤡ ᤈᤠᤋᤠᤪᤴ ᤀᤥᤗᤠᤶᤒᤠ ᤛᤠᤰᤌᤡᤶᤔᤡᤒᤠ ᤔᤡᤱᤛᤥ ᤋᤰᤋᤢᤷ ᤀᤥᤍᤛᤠᤒᤠ ᤕᤠᤵᤔᤡ ᤁᤧᤛᤢᤶᤒᤠ ᤋᤱᤃᤠᤶᤀᤥ ᤌᤥᤒᤠ ᤑᤥᤔᤠ᤺ ᤁᤣᤒᤥᤱᤒᤠ ᤐᤠ᤺ᤴ ᤕᤢᤰᤂᤢ ॥
ᤛᤢᤃᤦᤗᤥ ᤛᤴᤎᤡ ᤀᤣᤃᤠᤠ᤺ᤱ ᤏᤣᤘᤠᤷ ᤛᤡᤘᤠᤱᤜᤠ ᤕᤢᤱᤔᤠ ᤔᤧᤜᤧᤰᤋᤣ ᤀᤠᤱ ᤁᤏᤠ ᤀᤡᤗᤠᤶᤒᤠ ᤋᤧᤴᤀᤥ ᤖᤥᤐᤠᤀᤡ ᤈᤠᤋᤠᤪᤴ ᤀᤥᤴᤎᤠᤰᤔᤠ ᤜᤧᤰᤛᤡᤱ ᤐᤥᤂᤣᤒᤠ ᤛᤠᤵᤔᤢᤴᤎᤢᤶ ᤘᤠ ॥
