141 पटक हेरिएको 
ᤀᤡᤗᤠᤶ: ᤕᤠᤰᤌᤢᤱ ᤛᤱᤈᤢᤶᤓᤥᤒᤠ ᤛᤥᤄᤠ᤺ᤜᤠ᤹ ᤗᤧᤶᤔᤠ᤺ ᤕᤠᤶᤒᤰ ᤕᤧᤰᤕᤠ᤺ ᤘᤠᤒᤠ᤺ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤗᤢᤶᤔᤡᤒᤠ ᤌᤥᤛᤢᤍᤡᤶᤒᤠ ᤐᤧᤪᤶ ᤕᤧᤰᤋᤣᤴ ᤖᤣ ᤆᤧᤰᤂᤢ ᤀᤠᤱᤘᤠ᤺ ॥
ᤆᤢᤶᤗᤢᤅᤡᤸᤗᤣ ᤕᤢᤰᤛᤡᤱ ᤐᤥᤂᤣᤒᤠ ᥉᥍ ᤋᤱᤒᤣᤒᤠ᤺ ᤛᤢᤕᤣᤶᤀᤥ ᤁᤢᤒᤠᤴ ᤕᤢᤰᤂᤢᤷ ᤕᤠᤰᤌᤢᤱ ᤛᤱᤈᤢᤶ ᤌᤥᤒᤥᤒᤠ᤺ ᤛᤠᤵᤔᤢᤴᤎᤢᤶᤔᤡᤒᤠ ᤕᤠᤶᤒᤰ ᤆᤥᤃᤢᤒᤠᤴ ᤋᤧᤴᤍᤡᤱ ᤆᤥᤰᤔᤠ ᤁᤣᤒᤥᤱᤒᤠ᤺ ᤐᤧᤗᤡ ᤀᤠᤱ ᤆᤥᤃᤢ ॥
ᤆᤢᤶᤗᤢᤅᤡᤸᤗᤧᤴ ᤂᤥᤶᤍᤡᤱᤖᤣ ᤕᤢᤰᤑᤥ᤺ ᤕ᤺ᤔᤠ, ᤔᤢᤶᤔᤠ᤺ ᤜᤧ᤺ᤰᤋᤢ ᤀᤠᤱ ᤕᤢᤰᤑᤥ᤺ᤖᤣ ᤜᤠᤱᤌᤡᤶᤖᤣ ᤁᤢᤔᤡᤱᤀᤥ ᤀᤍᤠᤵᤛᤠ᤺ᤠᤒᤠᤜᤠ ᤀᤥᤃᤠ᤺ᤵ ᤆᤥᤃᤢᤛᤡᤖ ᤀᤠᤒᤠᤅᤣ ᤛᤱᤈᤢᤶᤓᤥᤖᤣ ᤁᤢᤀᤳ ᤀᤥ ᤛᤥᤄᤠ᤺ ᤆᤥᤃᤢᤛᤡᤀᤠᤱ ᤘᤠ᤺ᤒᤠ ᤐᤠ᤺ᤴ ᤆ᤺ᤧᤰᤂᤢᤖ ᤛᤥᤄᤠ᤺ ᤁᤧᤗᤣᤶᤒᤠ ᤕᤧ᤺ᤒᤠ ᤜᤠ᤹ ᤀᤠᤱ ᤔᤧᤘᤠ᤺ᤒᤠ ᤏᤡᤖᤡᤰ ᤆᤥᤃᤢ ॥
‘ᤆᤢᤶᤗᤢᤱᤗᤧᤴ ᤀᤡᤱᤈᤢᤶ, ᤁᤢᤃᤥᤍᤡᤶᤒᤠ ᤕᤠᤶᤒᤰᤜᤠ᤹ ᤏᤡᤖᤡᤰ ᤐᤥᤂᤣ ᤘᤠᤒᤠ᤺ ᤐᤠ᤺ᤴ ᤐᤠᤋᤢᤖ ᤒᤠ᤹᤺ᤜᤧᤸᤗᤧ ᤕᤠᤰᤌᤢᤱᤒᤠ᤺ᤜᤠ ᤀᤠᤸᤗᤥᤒᤠ᤺ ᤛᤱᤈᤢᤶᤛᤡᤃᤠᤱ ᤔᤡᤱᤛᤥᤍᤡᤶᤒᤠ ᤆᤥᤃᤢᤛᤡ ᤀᤠᤱ ᤘᤠ᤺, ᤌᤥᤛᤢᤍᤡᤶᤒᤠ ᤕᤧᤰᤋᤣᤴ ᤖᤣ ᤐᤠ᤺ᤋᤢ ᤆᤢᤶᤗᤢᤅᤡᤸᤗᤣ ᤔᤠᤰᤋᤢᤒᤠ᤺ ᤛᤧᤵᤔᤠᤱ ᤀᤥ ᤆᤰᤔᤧᤶᤒᤢ ᤁᤢᤗᤡᤱᤎᤥ ᤀᤥ ᤁᤧᤖᤣ ᤀᤠᤘᤠ᤺ ॥ ᤒᤠ᤺ᤄᤴ ᤕᤠᤶᤒᤁᤡᤸᤗᤣ ᤕᤢᤰᤑᤥ᤺ᤴ ᤕᤱᤔᤠᤛᤠᤩ ᤀᤠᤱᤘᤠ᤺ ॥ ᤁᤡᤔᤠ᤺ ᤜᤧᤰᤋᤣ ᤀᤠᤱᤘᤠ᤺ ॥ ᤕᤢᤰᤑᤥ᤺ᤖᤣ ᤀᤣᤰᤗᤣᤰ ᤆᤰᤔᤧᤶᤒᤢ ᤜᤠᤱᤃᤧᤶ ᤆᤥᤃᤢᤱ ᤗᤖᤡᤰ ᤔᤠᤰᤋᤢᤒᤠ᤺ ᤛᤧᤵᤔᤠᤅᤡᤴ ᤕ᤹᤺ᤛᤢ ᤀᤠᤱᤘᤠ᤺ ॥’
ᤌᤥᤛᤢᤍᤡᤶᤒᤠ ᤕᤧᤰᤋᤣᤴ ᤖᤣ ᤕᤠᤰᤌᤢᤱ ᤆᤢᤶᤗᤢᤅᤡᤸᤗᤣ ᤜᤠᤱᤌᤡᤶ ᤔᤧᤴᤈᤥᤁᤣ ᤛᤠᤰᤌᤡᤶ ᤆᤥᤰᤌᤡᤶ ᤛᤠᤶᤕᤥᤗᤠᤶ ᤆᤠ᤺ᤱᤘᤠ ᤘᤠᤳᤋᤡᤗᤣᤴ ᤐᤠ᤺ᤴ ᤐᤠ᤺ᤋᤢᤖ ᤛᤱᤈᤢᤶ ᤕᤠᤱᤈᤡᤰ ᤜᤠᤱᤌᤡᤶ ᤖᤣ ᤕᤢᤰᤑᤥ᤺ᤴ ᤔᤢᤶᤍᤢ᤺ ᤀᤠᤱᤘᤠ᤺ ॥ ᤒᤠᤄᤴ ᤕᤠᤶᤒᤁᤡᤸᤗᤧ ᤂᤥᤶᤍᤡᤱ ᤕᤠᤰᤌᤢᤱ ᤐᤠ᤺ᤴᤏᤡᤴ ᤕᤢᤰᤑᤥᤖᤣ ᤁᤢᤒᤠ᤺ᤴ ᤐᤥᤱᤔᤠ ᤀᤡᤳᤋᤣᤒᤠ᤺ ᤀᤡᤱ ᤛᤧᤣᤛᤢ᤺ ॥
ᤆᤢᤶᤗᤢᤅᤡᤸᤗᤧᤴ ᤂᤥᤶᤍᤡᤱ ᤕᤢᤰᤑᤥ᤺ ᤖᤣ ᤏᤡᤛᤢᤀᤠᤱ ᤀᤠ᤹᤺ᤒᤠᤅᤣ ᤕᤰᤌᤢᤱᤒᤠᤜᤠ᤹ ᤜᤠᤱᤌᤡᤶᤖᤣ ᤁᤢᤔᤡᤱᤀᤥ ᤀᤍᤠᤵᤛᤠ᤺ᤠᤒᤠᤜᤠ, ᤁᤧᤗᤧᤶᤛᤡᤱᤒᤠᤜᤠ, ᤁᤣᤛᤱᤛᤡᤱᤒᤠᤜᤠ, ᤀᤥᤃᤠᤵ ᤆᤥᤃᤢᤛᤡᤖ ᤆᤢᤶᤗᤢᤅᤡᤴ ᤕᤠ᤹ᤔᤠ᤺ ᤕᤠᤶᤒᤰᤀᤥ ᤔᤧᤕᤠᤰᤐᤠ᤺ ᤐᤠ᤺ᤴ ᤆ᤺ᤰᤋᤢᤷ ᤁᤴ ᤕᤠᤶᤒᤁᤡᤸᤗᤧ ᤆᤢᤶᤗᤢᤅᤡᤴ ᤀᤠᤸᤗ᤺ ᤔᤧᤔᤢᤴᤏᤧᤶᤒᤠ ᤐᤠ᤺ᤴ ᤐᤥᤎᤰᤋᤢ ॥
ᤜᤢᤏᤣ ᤏᤣᤐᤠᤸ ᤛᤡᤃᤠᤱᤒᤠ᤺ ᤗᤡᤶᤒᤢᤘᤠᤴ ᤆᤥᤰᤔᤠ ᤕᤠᤶᤒᤰᤀᤥ ᤌᤡᤰᤜᤢᤵ ᤐᤥᤱᤔᤠ ᤀᤠᤱ ᤐᤧ᤺ᤗᤡ ᤆᤥᤃᤢ ॥ ᤕᤢᤰᤑᤥᤴᤏᤢ ᤀᤠᤖᤛᤠᤱ ᤔᤡᤱ ᤏᤡᤛᤢᤶᤖᤣ ᤐᤠᤴᤍᤠᤠᤠᤀᤥ ᤌᤰᤛᤠᤱ ᤔᤧᤴᤈᤢᤳᤋᤣ ᤘᤠ᤺ ॥ ᤁᤵᤑᤢᤖᤣ ᤁᤢᤔᤡᤱ ᤁᤥᤛᤡ ᤂᤧᤖᤥᤳᤋᤡ ᤆᤥᤰᤔᤠ ᤀᤠᤱ ᤁᤣᤖᤣᤰ ᤛᤢᤘᤠᤱ ᤐᤥᤁᤣᤎᤰᤐᤠ᤺ ᤔᤡᤱ ᤘᤠᤵᤔᤠ᤺ ᤏᤠᤰ ᤕᤢᤰᤂᤢ ॥ ᤔᤢᤰᤁᤢᤶᤗᤢᤱ ᤋᤧᤴ ᤀᤥ ᤁᤣᤒᤗᤁᤠᤖ ᤆᤥᤰᤔᤠ᤺ ᤔᤧᤏᤢᤏᤧᤶᤒᤠ ᤐᤠ᤺ᤴ ᤕᤥ᤹ᤖᤢᤷ ᤕᤢᤰᤑᤥ᤺ᤸᤗᤣ ᤋᤧᤴᤇᤠᤒᤠ᤺ ᤛᤠᤶᤕᤥᤀᤥ ᤗᤠᤛᤠ᤺ᤰ ᤆᤥᤰᤔᤠ᤺ ᤔᤧᤏᤢᤏᤣᤶᤒᤠ᤺ ᤆ᤺ᤰ ᤐᤠ᤺ᤴ ᤆᤥᤃᤢ ᤀᤠᤱᤘᤠ᤺ ॥
