243 पटक हेरिएको 
काठमाडौंः झन्डै २६ सय शिक्षक माग गर्दै शिक्षक सेवा आयोगले विभिन्न विषयमा आवेदन खुलाएको छ ।
आयोगले बुधबार (आज) सूचना निकालेर निम्न माध्यमिक विद्यालय तृतीय श्रेणीका लागि २ हजार ५ सय ९८ जना शिक्षकको आवेदन माग गरेको हो ।
सूचनामा नेपाली विषयका लागि ४ सय ३७, अंग्रेजी विषयका लागि ६ सय २४, गणितमा ३ सय ७१, विज्ञानमा ४ सय ४०, सामाजिक अध्ययनमा ३ सय ५३, शुक्लयजुर्वेदमा एक, गणित-विज्ञानमा ३ सय ६४, संस्कृत व्याकरणमा ३, संस्कृत भाषामा ४, संस्कृत कर्मकाण्डमा १ शिक्षक माग गर्दै विज्ञापन खुलाइएको हो ।
इच्छुक उम्मेदवारले आउँदो ६ माघसम्म तोकिएको दस्तुरमा र ७ देखि १३ माघसम्म दोब्बर दस्तुर तिरेर आवेदन दिन सक्नेछन् ।
१८ वर्ष पूरा भई ४० वर्ष ननाघेकाले आवेदन दिन पाउनेछन् । परीक्षा लिखित र अन्तर्वार्ता हुनेछ । ७ वटै प्रदेशमा परीक्षा केन्द्र तोकिएका छन् । आवेदनका लागि आयोगको वेबसाइटमा गएर अनलाइन फारमसमेत भर्न सकिने सूचनामा उल्लेख छ ।
विज्ञापनकाे विस्तृत विवरण पीडिएफमा…Notice education
