भोली देखि हुने नेकपा एमाले इलामको १० औं अधिवेसको सम्पूर्ण तयारी पुरा


सेवारो खबर  161 पटक हेरिएको

इलामः भोली शुक्रबारदेखिे हुँने नेकपा एमालेको १० औं जिल्ला अधिवेशन अन्तिम तयारी पुरा भएको छ । शनिवार सकिने अधिवेशनकाको सम्पूणर् तयारी पूरा भएको अधिवेशस आयोजक कमिटीले जनाएको छ ।

अधिवेसन स्थल गौतम बुद्ध सभा गृह (सिटीहल)लाई सजाउँने काम सकिएको छ । जिल्लाका विभिन्न स्थानबाट प्रतिनिधि भेला हुन थालेका छन् । अतिथि, प्रतिनिधिहरू सदरमुकाम आउन थालेको पार्टीका जिल्ला उपसचिव तथा संगठन विभाग प्रमुख उमेश गुरुङले जानकारी गराए ।
अधिवेशनलाई सभ्य र भव्य बनाउन बिहिबार दिउँसो मोटरसाइकल र्‍यालीपछि साँझमा इलाम चोक बजारमा दिपावली गरिएको छ ।

अधिवेसनको उद्घाटन एमाले केन्द्रीय उपाध्यक्ष तथा पूर्वसभामुख सुवासचन्द्र नेम्बाङले अधिवेशन उद्घाटन गर्ने जनाइएको छ ।

अधिवेशनका अवसरमा पार्टी स्थापना र सञ्चालनमा योगदान दिने ४० जनालाई अधिवेशनसम्मान गरिने छ । अधिवेशनमा जिल्लाभरका ८ सय ६ प्रतिनिधि सहमागी हुने प्रचार विभाग प्रमुख प्रकाश अधिकारीले जानकारी दिए ।

प्रचार विभाग प्रमुख अधिकारीका अनुसार अधिवेशनमा आउने प्रतिनिधिका लागि इलाम बजारका ५९ होटल बुक गरिएका छन् । ३५ स्वयंसेवकलाई सामान्य प्रशिक्षण दिएर खटाइएको छ ।

अधिवेशनको बन्द सत्रमा राजनीतिक, सांगठनिक र आर्थिक प्रतिवेदन प्रस्तुत हुँने जनाइएको छ ।

अध्यक्षमा तीन जनाको दावी

नयाँ कार्य समिति निर्वाचित गर्ने अधिवेसनको अध्यक्ष पदमा तीन जनाले दावी गर्दै आएका छन् ।

अध्यक्षमा दाबी गर्नेमा अहिलेका पार्टी अध्यक्ष महेश बस्नेत, सचिवालय सदस्य डा. देवी क्षेत्री दुलाल र नरेन्द्रनाथ भट्टराईको दावी छ ।
नवौ अधिवेशनमा सचिवमा जितेका र हाल अध्यक्षमा मनोनित भएका बस्नेत दशौ अधिवेशनबाट निर्वाचित अध्यक्ष बन्न चाहन्छन् । प्रदेश र केन्द्रको आकांक्षा समेत त्यागेर बस्ने अहिले जिल्ला अध्यक्षको दौडमा देखिएका छन् ।

अध्यक्षको उम्मेद्वारीको विषय सार्वजनिक नगरेका बस्नेतल स्वभाविक रूपमा अध्यक्षको उम्मेदवार रहेको उनका निकटहरू बताउँछन् । यस्तै, डा. दुलाल र भट्टराई पनि बस्नेतपछिका अध्यक्षका दाबेदार हुन् । पूर्वपत्रकार एवम् वर्तमान सचिवालय सदस्य दुलाल अध्यक्षको उम्मेदवार आफू रहेको बताउँदै आएका छन् ।

विशेषगरी एक व्यक्ति, एक पदको एजेण्डा लिएर दुलाल अध्यक्षको आफू उम्मेदवार रहेको बताउँछन् । यस्तै, अध्यक्षका अर्का प्रत्यासी भट्टराई समेत आफू अध्यक्षकै दावेदार भएको बताउँदै आएका छन् ।

एमालेको आचार संहिता अनुसार ७० बर्षे उमेर हदले पनि भट्टराई यस पटक अध्यक्षमा दावी गरेका हुन् । आगामी ११ औं अधिवेशनमा भट्टराई ७० कटिसक्ने भएकाले यस पटक अध्यक्षमा आकांक्षा राखेका एमाले निकटहरू बताउँछन् ।

भट्टराईले यसभन्दा अघि आठौ महाधिवेशनका अध्यक्षकै उम्मेदवार हुन् । त्यसबेला मणि लिम्बूसँग केही मतले हार ब्यहोरेका भट्टराई नवौ महाधिवेशनमा जिल्ला कमिटी सदस्यमा मात्रै उम्मेदवारी दिएका थिए । नवौ महाधिवेशनमा केपी ओली प्यानलबाटै जिल्ला सदस्यमा जीत हासिल गरेका भट्टराई दशौ अधिवेशनमा समेत अध्यक्षकै दावेदार रहेका छन् ।

उपाध्यक्षमा पाँचजनाको दावी

उपाध्यक्ष पदमा पाँच जनाको दावी रहेपनि आकांक्षी बढ्ने सम्भावना छ । हालसम्म उदय राई, शोभा पराजुली, काजीमान कागजे, रत्नबहादुर अधिकारी र ओमनारायण खनाल उपाध्यक्षका आकांक्षी भएको बताइएको छ ।

हालका सचिवालय सदस्य एवम् सन्दकपुर गाउँपालिका अध्यक्ष उदय राई आफू उपाध्यक्षको पक्का उम्मेदवार रहेको दावी गर्छन् ।
उपाध्यक्षकै अर्को दावेदार हुन्, शोभा पराजुली । जिल्लाका नेकपा एमालेका उत्कृष्ठ महिला नेतामा पर्ने पराजुली स्वभाभिवक रूपमा आफू उपाध्यक्षको दावेदार रहेको बताउँछिन् ।

यस्तै, उपाध्यक्षका अर्का दावेदार हुन्, काजीमान कागते । सूर्योदय नगरपालिकावासी एवम् प्रदेश नं. १ सांसद समेत रहेका काजीमान कागते यस पटक उपाध्यक्ष बन्न चाहन्छन् ।

पुराना एमाले नेता एवम् तत्कालीन भूमि आयोग जिल्ला अध्यक्ष ओमनारायण खनाल र सूर्योदयकै रत्नबहादुर अधिकारी समेत उपाध्यक्षका आकांक्षी भएको बताइएको छ ।

सचिवमा पाँच जना दावेदार

कार्यकारी पद सचिवमा पनि दावी गर्नेको संख्या पनि उस्तै छ । वर्तमान उपसचिव एवं संगठन विभाग प्रमुख उमेश गुरुङ र वर्तमान प्रचार विभाग प्रमुख प्रकाश अधिकारी सचिवका उम्मेदवारमध्ये सबैभन्दा माथि छन् ।

नवौ अधिवेशनबाटै उपसचिवमा जितेका गुरुङ आफू स्वभाविकरूपमा सचिवको दावेदार रहेको बताउँछन् । सचिवका अर्का दावेदार हुन्, प्रकाश अधिकारी । नेकपा एमाले जिल्ला सचिवालय सदस्य एवम् प्रचार विभाग प्रमुख अधिकारी आफू सचिवकै दावेदार रहेको प्रष्ट्याउँछन् । अर्का सचिवकै दावेदार हुन् गोपाल नेपाल, बुद्धि खनाल र रवीन्द्र सुवेदी । यस्तै, पूर्व शिक्षक संगठन अध्यक्ष गोपाल नेपालले समेत यस पटक सचिवकै दावेदार हुन् । पछिल्लो समय पार्टी राजनीतिमा क्रियाशील नेपाल संगठन सुदृढकै लागि सचिव बन्न चाहेका बताइन्छ ।

सचिवालय सदस्य वुद्धि खनाल समेत सचिवकै दावेदार हँुन । लामो समय नेकपा एमाले उपनेता एवम् उपाध्यक्ष सुवास नेम्वाङको स्वकीय सचिव भएर काम गरेका खनाल जिल्लामा क्रियाशिलताका लागि सचिव पद रोज्छन् । वर्तमान कार्यालय सचिव रबिन्द्र सुवेदी पनि सचिवको आकांक्षी बताइएको छ ।

उपसचिवमा दावेदारको भीड

उपसचिव दावी गर्नेको संख्या पनि पाँच जना भन्दा बढी छ । उपसचिव दावी गर्नेमा सावित्रा शिवा, रमेश राई, विष्णुमाया आचार्य, नोमनाथ खतिवडा, सुनीता सुब्बा, सन्तराम योङहाङ, छवि श्रेष्ठ रहेको बताइएको छ ।

 

तपाईको प्रतिक्रिया

सम्बन्धित समाचार