एसईई परीक्षाफल यसरी हेर्नुहोस

कक्षा १० वा एसईई को बोर्ड परीक्षाको नतिजा एक-दुई दिनमै प्रकाशन हुन लागेको राष्ट्रिय परीक्षा बोर्डले जानकारी दिएको छ।

अहिले परीक्षाफलको अन्तिम रुजु गर्ने काम भइरहेकाले आजभोलि नै नतिजा आउने बोर्डका अध्यक्ष महाश्रम शर्माले बताएका छन्।

“अब एक दिनजति धैर्य गर्नुपर्ला,“ मङ्गलवार बिहान उनले भने।

यसपालि पाँच लाखभन्दा बढी विद्यार्थीले एसईई परीक्षा दिएका थिए।

कसरी हेर्ने परीक्षाफल?
एसईईको परीक्षाफल विभिन्न वेबसाइट एवं एसएमएस तथा फोनबाट सोध्न मिल्ने आईभीआर सेवाहरूबाट प्राप्त गर्न सकिने जनाइएको छ।