124 पटक हेरिएको 
इलामः सूर्योदय नगरपालिकाको होराइजन बर्दु भ्याली चिया कारखानाको छेउमा बर्दु माध्यमिक विद्यालयको हराएको सामग्री बेबारिसे अवस्थामा फेला परेको छ ।
सूर्योदय नगरपालिका-१४ बर्दुमा रहेको बुद्ध माध्यमिक विद्यालयको ल्याबबाट चोरी भएको सामग्री बेबारिसे अवस्थामा फेला परेको प्रहरीले जनाएको छ ।
विद्यालयबाट गएको माघ १२ गते स्कुल बिदाको समयमा चोरी भएको एक थान कम्प्यटर मोनिटर, किवोर्ड, सिसी टिभी र केबल तार फागुन १० गते फेला परेको बताइएको छ ।
कारखानाका प्रोपाइटर बुद्ध तामाङले बोरामा बेवारिसे सामग्री रहेको जानकारी गराएपछि प्रहरी सहायक निरिक्षक झमक श्रेष्ठ र प्रहरी सहायक हवल्दार लक्ष्मण यादव आएर हेर्दा हराएको सामग्री देखिएपछि स्थानीय बासिन्दाको रोहवरमा स्कुल प्रशासनलाई जिम्मा लगाइएको प्रहरीले जनाएको छ ।
विद्यालयको सामग्री चोरी भएको थाहा पाएर अस्थायी प्रहरी बिट कटुसेमा जानकारी गराइएको थियो । उजुरीपछि प्रहरीले गस्ती र पेट्रोलिङ बढाएका कारण चोरी भएको सामग्री बेबारिसे अवस्थामा फेला परेको हो ।
