137 पटक हेरिएको 
रोङः नेकपा एमालेका केन्द्रीय सदस्य गीता अधिकारीले जननेता स्वर्गीय मदन भण्डारीले प्रतिपादन गरेको जनताको बहुदलीय जनबादको १४ वटा बिशेषताहरु पार्टी र पार्टीका कार्यकर्ता स्तरसम्म पुर्याइने बताएकी छन् ।
नेकपा एमालेको ग्रास रुट कार्यक्रमलाई इलामको रोङ गाउपालिकामा सम्बोधन गर्दै केन्द्रीय सदस्य अधिकारीले समृध्द नेपाल र सुखी नेपालीको राष्ट्रिय आकाक्षा पुरा गर्न ग्रासरुट कार्यक्रम आयोजना गरिएको र अभियानले नेकपा एमालेको संगठन बिस्तारमा उर्जा थपिने बताइन् ।
एमाले रोङले आयोजना गरेको सुखानी सहिद स्मृति दिवस तथा मिसन ग्रासरुट कार्यक्रमलाई सम्बोधन गर्ने अन्य बक्ताहरुले पनि बर्तमान चुनौति र एमालेको भूमिकाको बारेमा आ-आफनो धारणा राखेका थिए ।
कार्यक्रममा दिपककुमार थेबे, हेमराज आचार्य, युवराज खाप्तुवा राई, बिष्णुमाया खवास, सत्यम राई चौरासे, ध्रुव श्रेष्ठ लगायत बोलका थिए ।
कार्यक्रममा रोङ गाउँपलिकामा एमालेबाट बिजयी जनप्रतिनिधि, एमालेका जिल्ला कमिटिमा रोङबाट प्रतिनिधीत्व गर्ने सदस्य, पूर्व जनप्रतिनिधि, पाटीका कार्यकर्ता र एमालेका शुभचिन्तकको सहभागिता रहेको एमाले रोङका सचिब उपेन्द्र न्यौपानेले जानकारी दिए ।
कार्यक्रम अन्तरगत रोङका ६ वटै वडामा बिभिन्न मितिमा वडा स्तरीय अभियानको कार्यक्रम गरिने तालिका तयार भएको एमाले रोङले जनाएको छ । एमाले रोङका सचिब उपेन्द्र न्यौपानेका अनुसार वडा नम्बर १ बाट वडा नम्बर ६ सम्म नै कार्यक्रम गरिने छ ।
