उपनिर्वाचन मत परिणाम: माङसेबुङमा स्वतन्त्र उम्मेद्वार थेगिम पहिलो, एमाले दोस्रो र कांग्रेस तेस्रो

उपनिर्वाचन मत परिणाम


सेवारो खबर  83 पटक हेरिएको

इलाम: इलामको संघीय निर्वाचन क्षेत्र नम्बर २ को उपनिर्वाचनको मत परिणाम अनुसार माङ्सेबुङ गाउँपालिकामा स्वतन्त्र उम्मेद्वार डकेन्द्रसिंह थेगिम (मुडा)ले सबैभन्दा बढी मत पाएका छन् । उनले २ हजार ६ सय ३९ मत पाए ।

गाउँपालिकाको मत परिणाम अनुसार नेकपा एमाले (सूर्य)का सुहाङ नेम्बाङले २ हजार ५ सय ९१ मत प्राप्त गरेका छन् । उनलाई पछ्याउँदै नेपाली कांग्रेस (रुख) का डम्बरबहादुर खड्काले १ हजार ४ सय ८० मतसँगै तेस्रो स्थानमा छन् ।

राष्ट्रिय स्वतन्त्र पार्टीका उम्मेद्वार मिलनकुमार योङहाङ लिम्बु (घण्टी)ले २ सय ४३ मत मंगोल नेसनल अर्गनाईजेसनका मणिकुमार लिम्बु (भाले)ले २५ मत, नेकपा एकिकृत समाजवादी पार्टीका जीतबहादुर राई (कलम)ले २०, नेपाली जनता दलका रेशमबहादुर सुनार नेपाली (गोरुगाडाको पाङ्ग्रो)ले १९ , स्वतन्त्र राज बश्याल (जुँगा सहितको अनुहार)ले १५ मत भेला गरेका छन् ।

जनमत पार्टीका प्रेमकुमार थाम्सुहाङले १३ मत, राष्ट्रीय प्राजातन्त्र पार्टीका लक्ष्रि गुरुङ (हलो)ले १२, स्वतन्त्र अर्जुनबहादुर शाही (डोजर) ११ मत, राष्ट्रिय मुक्ति आन्दोलन दलका जयवन्त विक्रम शाह (सटकोण) ४ मत, नेपाल मजदुर किसान पार्टी श्यामबहादुर दर्जी (मादल) ३ मत पाएका छन् ।

स्वतन्त्र योगेन्द्र गुरुले (कैची),  मनोज निरौला (माछा) र डाकप्रसाद गौतम (महिला) ले समान १–१ मत प्राप्त गरेका छन् ।

नेसनल रिपब्लिक नेपाल पार्टीका उम्मेद्वार धनराज राना मगर(उडिरहेको माहुरी) स्वतन्त्र दिपेश बोहरा (सिरिन्ज) र राप्रपा नेपालका गणेशबहादुर चौहान (तिर)ले कुनै पनि मत पाएका प्राप्त गरेनन ।

मत परिणाम:

तपाईको प्रतिक्रिया

सम्बन्धित समाचार