सूर्योदय नगरपालिका इलामकै उत्कृष्ट स्थानीय तह

संस्थागत क्षमता स्वमुल्याङ्कन (लिजा)मा प्रथम


सेवारो खबर  113 पटक हेरिएको

इलाम: इलामको स्थानीय तह मध्ये सूर्योदय नगरपालिका उत्कृष्ट स्थानीय तह रूपमा पहिचान बनाएको छ । स्थानीय तह संस्थागत क्षमता स्वमुल्याङ्कन (लिजा) मा जिल्लाको स्थानीय तहमध्ये उत्कृष्ट भएको जनाइएको छ ।

संघीय मामिला तथा सामान्य प्रशासन मन्त्रालयले जारी गरेको आर्थिक वर्ष २०७९/०८० को पछिल्लो नतिजा अनुसार सूर्योदय जिल्लाकै उत्कृष्ट स्थानीय तह भएको हो ।

जिल्लाका १० स्थानीय तहमध्ये सूर्योदय नगरपालिकाले स्थानीय तह संस्थागत क्षमता स्वमूल्याङकन लिजामा ९६ प्रतिशत ल्याएर जिल्लाकै उत्कृष्ट स्थानीय तह भएको हो ।

सूर्योदय नगरपालिकाले समग्र स्थितिमा शतप्रतिशत, प्रक्रियागत स्थितिमा ९५ दशमलव ५९ प्रतिशत र परिमाणात्मक स्थितिमा ९४ दशमलव ४४ प्रतिशत अङ्क ल्याएको छ ।

जिल्लाकै पुरानो नगरपालिका इलाम नगरपालिले जिल्लाको दोस्रो उत्कृष्ट स्थानीय तह भएको छ । स्थानीय तह संस्थागत क्षमता स्वमूल्याङ्कन लिजामा ९६ प्रतिशत नै ल्याएर जिल्लाको दोस्रो भएको हो ।

इलाम नगरपालकाले समग्र स्थितिमा शतप्रतिशत, प्रक्रियागत स्थितिमा ९४ दशमलव १२ प्रतिशत र परिमाणात्मक स्थितिमा ९५ दशमलव ५६ प्रतिशत अङ्क ल्याएको छ ।

फाकफोकथुम गाउँपालिकाले स्थानीय तह संस्थागत क्षमता स्वमूल्याङ्कन लिजामा ८६ दशमलव २५ प्रतिशत ल्याएर जिल्लाको तेस्रो उत्कृष्ट स्थानीय तह भएको छ ।

सन्दकपुर गाउँपालिकाले स्थानीय तह संस्थागत क्षमता स्वमूल्याङ्कन लिजामा ८२ दशमलव २५ प्रतिशत ल्याएर जिल्लाको चौथो उत्कृष्ट स्थानीय तह भएको छ ।

देउमाई नगरपालिकाले स्थानीय तह संस्थागत क्षमता स्वमूल्याङ्कन लिजामा ७५ दशमलव २५ प्रतिशत ल्याएर जिल्लाको पाँचौ उत्कृष्ट स्थानीय तह भएको छ ।

रोङ गाउँपालिकाले स्थानीय तह संस्थागत क्षमता स्वमूल्याङ्कन लिजामा ७० प्रतिशत ल्याएर जिल्लाको छैटौं उत्कृष्ट स्थानीय तह भएको छ । माङसेबुङ गाउँपालिकाले स्थानीय तह संस्थागत क्षमता स्वमूल्याङ्कन लिजामा ६९ दशमलव ७५ प्रतिशत ल्याएर जिल्लाको सातौं उत्कृष्ट स्थानीय तह भएको छ ।

माई नगरपालिका, माइजोमाई गाउँपालिका र चुलाचुली गाउँपालिकाले भने स्थानीय तह संस्थागत क्षमता स्वमूल्याङ्कन लिजाको नजिता सार्वजनिक गरेका छैनन् ।

तपाईको प्रतिक्रिया

सम्बन्धित समाचार